ടെല്‍അവീവ് : ഇസ്രയേലില്‍ നിന്ന് പിടികൂടി ബന്ദികളാക്കിയ അമേരിക്കന്‍ വനിതയെയും മകളെയും ഹമാസ് വിട്ടയച്ചു. ജൂഡിത്ത്, മകള്‍ നടാലി റാനന്‍ എന്നിവരെയാണ് വിട്ടയച്ചത്. ബന്ദികളെ മോചനത്തിന് വേണ്ടി ഖത്തര്‍ ഉള്‍പ്പെടെ നടത്തുന്ന ചര്‍ച്ചകളെ തുടര്‍ന്നാണ് നടപടി.
ഇസ്രയേല്‍ ഹമാസ് യുദ്ധത്തിന് അയവുവരുത്താന്‍ ലക്ഷ്യമിട്ട് ഇന്ന് കെയ്‌റോയില്‍ സമാധന ഉച്ചകോടി നടക്കും. ഈജിപ്ത് അധ്യക്ഷം വഹിക്കുന്ന ഉച്ചകോടിയില്‍ അറബ്, യൂറോപ്യന്‍ പ്രതിനിധികള്‍ പങ്കെടുക്കും. യു.എന്‍ സെക്രട്ടറി ജനറല്‍ അന്റോണിയോ ഗുട്ടെറസും ഉച്ചകോടിയില്‍ പങ്കെടുക്കും. ഗാസയില്‍ സഹായമെത്തിക്കാന്‍ ഈജിപ്തിലെ റഫാ അതിര്‍ത്തി തുറക്കുന്നതില്‍ അനിശ്ചിതത്വം തുടരുകയാണ്. ഈജിപ്ത് അതിര്‍ത്തി സന്ദര്‍ശിച്ച യു.എന്‍ സെക്രട്ടറി ജനറല്‍ അതിര്‍ത്തി തുറക്കാന്‍ വേഗം നടപടിയെടുക്കണമെന്ന് അഭ്യര്‍ഥിച്ചു.
