റിലയന്‍സ് ജിയോ (Jio) 2016ല്‍ പ്രവര്‍ത്തനം ആരംഭിച്ചതോടെയാണ് ഇന്ത്യയിലെ ടെലിക്കോം വിപണിയുടെ സ്വഭാവം തന്നെ മാറി മറിഞ്ഞത്. അതുവരെ എംബി കണക്കിന് മാത്രം ഡാറ്റ ഉപയോഗിച്ചിരുന്ന ഇന്ത്യയിലെ ആളുകള്‍ ദിവസവും ജിബി കണക്കിന് ഡാറ്റ ഉപയോഗിക്കുന്ന വിധത്തിലേക്ക് കാര്യങ്ങള്‍ മാറ്റിയതിന് പിന്നില്‍ ജിയോ തന്നെയാണുള്ളത്. കുറഞ്ഞ നിരക്കില്‍ അണ്‍ലിമിറ്റഡ് കോളുകളും ദിവസവും നിശ്ചിത ജിബി ഡാറ്റയും നല്‍കുന്ന അണ്‍ലിമിറ്റഡ് പ്ലാനുകളുടെ ആരംഭവും ജിയോയില്‍ നിന്നാണ്.
ജിയോ ഇപ്പോഴും കുറഞ്ഞ നിരക്കില്‍ മികച്ച ആനുകൂല്യങ്ങളുള്ള പ്ലാനുകള്‍ നല്‍കുന്നുണ്ട്. ദിവസവും 1 ജിബി ഡാറ്റ മാത്രം ഉപയോഗിക്കുന്ന ആളുകള്‍ക്ക് തിരഞ്ഞെടുക്കാവുന്ന ചില വില കുറഞ്ഞ പ്ലാനുകളാണ് നമ്മളിന്ന് നോക്കുന്നത്. മൂന്ന് പ്ലാനുകളാണ് ഈ വിഭാഗത്തിലുള്ളത്. 149 രൂപ മുതല്‍ വില ആരംഭിക്കുന്ന ഈ പ്ലാനുകള്‍ കോളിങ്, എസ്എംഎസ് ആനുകൂല്യങ്ങളും നല്‍കുന്നുണ്ട്. 149 രൂപ, 179 രൂപ, 209 രൂപ എന്നിങ്ങനെയാണ് ഈ പ്ലാനുകളുടെ വില. ഇവ വിശദമായി നോക്കാം.
149 രൂപ പ്ലാന്‍:
ജിയോയുടെ 149 രൂപ വിലയുള്ള പ്ലാനിലൂടെ ഉപയോക്താക്കള്‍ക്ക് 20 ദിവസം വാലിഡിറ്റിയാണ് ലഭിക്കുന്നത്. ഈ പ്ലാന്‍ ദിവസവും 1 ജിബി ഡാറ്റയും നല്‍കുന്നു. മൊത്തം വാലിഡിറ്റി കാലയളവിലേക്കുമായി 20 ജിബി ഡാറ്റയാണ് ഈ പ്ലാനിലൂടെ ലഭിക്കുന്നത്. ഇന്ത്യയിലെ എല്ലാ നെറ്റ്വര്‍ക്കിലേക്കും അണ്‍ലിമിറ്റഡ് കോളിങ് ആനുകൂല്യങ്ങളും പ്ലാന്‍ നല്‍കുന്നുണ്ട്. ദിവസവുമുള്ള 1 ജിബി ഡാറ്റ ലിമിറ്റ് അവസാനിച്ച് കഴിഞ്ഞാല്‍ ഇന്റര്‍നെറ്റ് വേഗത 64 Kbps ആയി കുറയുന്നു. ദിവസവും 100 എസ്എംഎസുകളും ഈ പ്ലാനിലൂടെ ലഭിക്കും. ജിയോ ടിവി, ജിയോ സിനിമ, ജിയോ സെക്യൂരിറ്റി, ജിയോ ക്ലൌഡ് ആക്‌സസുകളും ഈ പ്ലാന്‍ നല്‍കുന്നു.
179 രൂപ പ്ലാന്‍:
179 രൂപ വിലയുള്ള ജിയോയുടെ പ്രീപെയ്ഡ് പ്ലാനിലൂടെ ഉപയോക്താക്കള്‍ക്ക് 24 ദിവസത്തെ വാലിഡിറ്റിയാണ് ലഭിക്കുന്നത്. ഈ പ്ലാനും ദിവസവും 1 ജിബി ഡാറ്റ വീതം നല്‍കുന്നു. പ്ലാനിലൂടെ മൊത്തം വാലിഡിറ്റി കാലയളവിലേക്കുമായി 24 ജിബി ഡാറ്റയാണ് ലഭിക്കുന്നത്. ഇന്ത്യയിലെ എല്ലാ നെറ്റ്വര്‍ക്കിലേക്കും അണ്‍ലിമിറ്റഡ് കോളിങ് ആനുകൂല്യങ്ങളും 179 രൂപ പ്ലാന്‍ നല്‍കുന്നുണ്ട്. ദിവസവും 100 എസ്എംഎസുകളും ഈ പ്ലാനിലൂടെ ലഭിക്കുന്നു. ദിവസവുമുള്ള 1 ജിബി ഡാറ്റ ലിമിറ്റ് അവസാനിച്ചാല്‍ 64 Kbps വേഗതയില്‍ ബ്രൌസിങ് ചെയ്യാം. ജിയോ ടിവി, ജിയോ സിനിമ, ജിയോ സെക്യൂരിറ്റി, ജിയോ ക്ലൌഡ് ആക്‌സസുകളും പ്ലാന്‍ നല്‍കുന്നു.
209 രൂപ പ്ലാന്‍:
ജിയോയുടെ 209 രൂപ വിലയുള്ള പ്ലാന്‍ 28 ദിവസം വാലിഡിറ്റി നല്‍കുന്നു. ഒരു മാസം വാലിഡിറ്റിയുള്ള വില കുറഞ്ഞ പ്ലാന്‍ ആവശ്യമുള്ളവര്‍ക്ക് തിരഞ്ഞെടുക്കാവുന്ന മികച്ച ചോയിസാണ് ഇത്. ഈ പ്ലാനിലൂടെ ദിവസവും 1 ജിബി ഡാറ്റ വീതം മൊത്തത്തില്‍ 28 ജിബി ഡാറ്റയാണ് ലഭിക്കുന്നത്. ഈ പ്രതിദിന ഡാറ്റ ലിമിറ്റ് അവസാനിച്ചാല്‍ 64 Kbps വേഗതയില്‍ ഇന്റര്‍നെറ്റ് ആക്‌സസ് ചെയ്യാം. രാജ്യത്തെ എല്ലാ നെറ്റ്വര്‍ക്കിലേക്കും അണ്‍ലിമിറ്റഡ് കോളിങ് ആനുകൂല്യങ്ങളും ദിവസവും 100 എസ്എംഎസുകളും ഈ പ്ലാനിലൂടെ ലഭിക്കുന്നു. ജിയോ ടിവി, ജിയോ സിനിമ, ജിയോ സെക്യൂരിറ്റി, ജിയോ ക്ലൌഡ് ആക്‌സസുകളും പ്ലാനിലൂടെ ലഭിക്കും.
