തിരുവനന്തപുരം: രാജ്യത്തെ ഏറ്റവും മികച്ച ജില്ലാ കളക്ടര്‍ക്ക് ലഭിച്ച അവാര്‍ഡ് തുക മുഖ്യമന്ത്രിയുടെ ദുരിതാശ്വാസ നിധിയിലേക്ക് കൈമാറി പത്തനംതിട്ട ജില്ലാ കളക്ടര്‍ ദിവ്യ എസ് എസ് അയ്യര്‍. കഴിഞ്ഞ ദിവസം ലഭിച്ച ഇന്ത്യന്‍ എക്സ്പ്രസ്സ് എക്സലന്‍സ് ഇന്‍ ഗുഡ് ഗവര്‍ണന്‍സ് അവാര്‍ഡ് തുകയായ ഒരു ലക്ഷം രൂപ മുഖ്യമന്ത്രിയുടെ ദുരിതാശ്വാസ നിധിയിലേക്ക് കൈമാറി.
തിരുവനന്തപുരത്തെ ഔദ്യോഗിക മീറ്റിംഗുകള്‍ കഴിഞ്ഞ് വൈകുന്നേരം മുഖ്യമന്ത്രിയെ അദ്ദേഹത്തിന്റെ വസതിയില്‍ സന്ദര്‍ശിച്ചാണ് തുക കൈമാറിയത്. ഒപ്പം കൗതുകത്തോടെ മല്‍ഹാര്‍ വാവയും എന്റെ അപ്പാവും അമ്മയും.
സ്നേഹോഷ്മളമായ സ്വീകരണമാണ് അദ്ദേഹവും കുടുംബവും ഞങ്ങള്‍ക്ക് നല്‍കിയത്. തുക കൈമാറുമ്പോള്‍ അവാര്‍ഡിന്റെ സന്തോഷം പങ്കു വെച്ചുകൊണ്ട് വാവക്ക് ഒരു shake hand ഉം അവന്റെ മുത്തവും ഏറ്റു വാങ്ങിക്കൊണ്ടു അദ്ദേഹം ആ മധുരസായഹ്നത്തിനെ അവിസ്മരണീയമാക്കി തീര്‍ത്തു അടുത്ത ഉദ്യമത്തിലേക്കു കടന്നുവെന്നും ദിവ്യ എസ് അയ്യര്‍ പറഞ്ഞു
