മൂവാറ്റുപുഴ: ഈസ്റ്റ് വാഴപ്പിള്ളി പീപ്പിള്‍സ് ലൈബ്രറി & റിക്രിയേഷന്‍ ക്ലബ്ബിലെ യുവജനവേദിയുടെ നേതൃത്വത്തില്‍ ഈ മാസം 25, 26 ദിവസങ്ങളില്‍ നടക്കുന്ന അഖില കേരള ഫ്‌ലഡ് ലൈറ്റ് ഫുട്‌ബോള്‍ ടൂര്‍ണമെന്റിന്റ സംഘാടക സമിതി രൂപീകരണ യോഗം ബ്ലോക്ക്പഞ്ചായത്ത് മെമ്പര്‍ ഒ കെ മുഹമ്മദ് ഉല്‍ഘാടനം ചെയ്തു യുവജനവേദി പ്രസിഡന്റ് പി.എം അബൂബക്കര്‍ അദ്ധ്യക്ഷത വഹിച്ചു. സെക്രട്ടറി കെ കെ അനീഷ് സ്വാഗതം പറഞ്ഞു. പഞ്ചായത്ത് മെമ്പര്‍ ഇ എം ഷാജി, ലൈബ്രറി പ്രസിഡന്റ് കെ കെ സുമേഷ്, സെക്രട്ടറി സമദ് മുടവന, താലൂക്ക് കമ്മറ്റി അംഗം പി എ മൈതീന്‍ എന്നിവര്‍ സംസാരിച്ചു.
സംഘാടക സമിതി ഭാരവാഹികളായി പി എം അസീസ്, ഒ കെ മുഹമ്മദ്, ദീപ റോയി, ഇ എം.ഷാജി, നിസ മൈതീന്‍, കെ കെ സുമേഷ്, സമദ് മുടവന, പി എ മൈതീന്‍, എം കെ കുഞ്ഞുമോന്‍ (രക്ഷാധികാരികള്‍)പി എം അബൂബക്കര്‍ (ചെയര്‍മാന്‍) കെ കെ അനീഷ് (കണ്‍വീനര്‍) എം കെ ലിബിന്‍ (ട്രഷറര്‍) എന്നിവരടങ്ങുന്ന 51 പേരടങ്ങുന്ന ജനറല്‍ കമ്മറ്റിയും 25 പേരുള്ള എക്‌സിക്യൂട്ടിവ് കമ്മറ്റിയും തെരഞ്ഞെടുത്തു.
