മൂവാറ്റുപുഴ: സകാത്തുല്‍മാല്‍ ഫണ്ട് ഉപയോഗിച്ച് നിര്‍ധനരായ കുടുംബങ്ങള്‍ക്കായി ഭവനമൊരുക്കി മൂവാറ്റുപുഴ സെന്‍ട്രല്‍ മഹല്ല് ജമാ അത്ത് കമ്മിറ്റി. പുതിയതായി 8 വീടുകളുടെ നിര്‍മ്മാണം കൂടി പൂര്‍ത്തിയാക്കിയതായി ജമാഅത്ത് ഭരവാഹികള്‍ വര്‍ത്ത സമ്മേളനത്തിന്‍ പറഞ്ഞു. ഈ പദ്ധതി ഉള്‍പ്പെടെ സകാത്തുല്‍മാല്‍ പ്രകാരം 30 വീടുകളാണ് ഇതുവരെ പൂര്‍ത്തിയാക്കിയിട്ടുള്ളത്.
ഒന്നാം പദ്ധതിയില്‍ ഈസ്റ്റ് വാഴപ്പിള്ളിയില്‍ എട്ടു വീടും, രണ്ടാം പദ്ധതിയില്‍ കാവുങ്കര റോട്ടറി റോഡില്‍ മൂന്നു നിലകളിലായി 12 വീടുകള്‍ ഉള്‍ക്കൊള്ളുന്ന ഫ്‌ളാറ്റും മൂന്നാം പദ്ധതിയില്‍ മിനാ കോളനിയില്‍ ഇരുനിലകളിലായി രണ്ടു വീടുകളും ഇപ്പോഴത്തെ നാലാം പദ്ധതിയില്‍പ്പെടുത്തി പൂര്‍ത്തിയായ എട്ടു വീടുകളുമടക്കം മൊത്തം 30 വീടുകളുമാണുള്ളത്. കൂടാതെ മീനാ ട്രസ്റ്റുമായി സഹകരിച്ച് 12 വീടുകളും നിര്‍മ്മിച്ചു നല്‍കിയിരുന്നു. മഹല്ല് അംഗങ്ങളില്‍ നിന്നും സക്കാത്തുല്‍മാല്‍ ഫണ്ട് ശേഖരിച്ചാണ് ഭവന പദ്ധതികള്‍ നടത്തിവരുന്നതെന്നും സിഎം ജെ ഭാരവാഹികള്‍ പറഞ്ഞു.
‘വാദിസലാമ’ എന്ന പേരില്‍ പായിപ്ര പഞ്ചായത്തിലെ പോയാലിമല ഭാഗത്താണ് 30 സെന്റ് സ്ഥലത്തായി 8 വീടുകള്‍ നിര്‍മ്മാണം പൂര്‍ത്തിയാക്കിയിട്ടുളളത്. ഓരോ വീടിനും ബാത്ത് അറ്റാച്ച്ഡ് അടക്കം രണ്ട് ബെഡ്‌റൂമുകള്‍, അടുക്കള, ഡൈനിംഗ് ഹാള്‍, കോമണ്‍ ബാത്ത്‌റൂം, മിനി കാര്‍പോര്‍ച്ച്, ഒപ്പം കുടിവെള്ള-വൈദ്യുതി കണക്ഷനും ഒരുക്കിയിട്ടുണ്ട്. വീട്ടുകള്‍ക്ക് അകത്തും പുറത്തും ടൈലുകള്‍പാകി മികച്ച നിലവാരത്തിലാണ് ഒരോ വീടും നിര്‍മ്മിച്ചിരിക്കുന്നതെന്ന് സി എം ജെ പ്രസിഡന്റ് പിവിഎം അബ്ദുല്‍ സലാം പറഞ്ഞു. ഒരു കോടിയാണ് പദ്ധതി ചിലവ്.
ഭവനങ്ങളുടെ താക്കോല്‍ദാനകര്‍മ്മം നവംബര്‍ നാലിന് വൈകീട്ട് നാല് മണിക്ക് പാണക്കാട് സയ്യിദ് സാദിഖലി ശിഹാബ് തങ്ങള്‍ നിര്‍വ്വഹിക്കും. സെന്‍ട്രല്‍ ജുമാ മസ്ജിദ് പ്രസിഡന്റ് പി.വി.എം.അബ്ദുല്‍ സലാമിന്റെ അധ്യക്ഷതയില്‍ നടക്കുന്ന സമ്മേളനം ഇടുക്കി എംപി ഡീന്‍ കുര്യാക്കോസ് ഉദ്ഘാടനം ചെയ്യും. ഡോ.മാത്യു കുഴല്‍ നാടന്‍ എംഎല്‍എ ഉപഹാര സമര്‍പ്പണം നിര്‍വഹിക്കും.
അസിസ്റ്റന്റ് ഇമാം ഇ.എ.ഫസലുദ്ദീന്‍ മൗലവി അല്‍ ഖാസിമി ഖിറാഅത്ത് നിര്‍വ്വഹിക്കും. ചീഫ് ഇമാം ശിഹാബുദ്ധീന്‍ ഫൈസി മുഖ്യപ്രഭാഷണം നടത്തും. സെന്‍ട്രല്‍ മഹല്ല് ജമാ അത്ത് കമ്മിറ്റി സെക്രട്ടറി എം.എം.കൊച്ചുമുഹമ്മദ് സ്വാഗതം പറയും. നിര്‍മ്മാണ കമ്മിറ്റി കണ്‍വീനര്‍ അഷറഫ് എവറസ്റ്റ് പദ്ധതി വിശദീകരണവും, ജോയിന്റ് സെക്രട്ടറി കെ.എം.അബുലൈസ് റിപ്പോര്‍ട്ടും അവതരിപ്പിക്കും. മുനിസിപ്പല്‍ ചെയര്‍മാന്‍ പി.പി.എല്‍ദോസ്, പായിപ്ര ഗ്രാമപഞ്ചായത്ത് പ്രസിഡന്റ് പി.എം.അസീസ്, മാക്‌സിമില്യന്‍ കോള്‍ബേ ചര്‍ച്ച് വികാരി റവ. ഫാ. ജിയോ ജോസ് ചെമ്പരത്തി, മൂവാറ്റുപുഴക്കാവ് ക്ഷേത്രം ട്രസ്റ്റി ശിവദാസന്‍ നമ്പൂതിരി, കെ.എം.അബ്ദുല്‍ മജീദ്, എം.എ.സഹീര്‍, വി.യു.സിദ്ദിഖ്, ഗ്രാമപഞ്ചായത്ത് അംഗം റജീന ഷിഹാജ്, സിഎം ജെ വൈസ് പ്രസിഡന്റ് പി.സി.പി.സിറാജ് എന്നിവര്‍ സംസാരിക്കും. ജമാ അത്ത് കമ്മിറ്റി ട്രഷറര്‍ എ.ഇ.എം.സലാം നന്ദി പറയും
വാര്‍ത്ത സമ്മേളനത്തില്‍ ജ : സെക്രട്ടറി എം എം മുഹമ്മദ്, കണ്‍സ്ട്രക്ഷന്‍ കമ്മിറ്റി കണ്‍വീനര്‍ അഷറഫ് എവറസ്റ്റ്, സെകട്ടറി കെ.എം. അബുലൈസ്, സെക്രട്ടറി എം എം മുഹമ്മദ്, കണ്‍സ്ട്രക്ഷന്‍ കമ്മിറ്റി കണ്‍വിനര്‍ പി. എസ്. അഷറഫ് എവറസ്റ്റ്, പബ്ലിസിറ്റി കമ്മിറ്റി കണ്‍വീനര്‍ നിസാര്‍ കുടിയില്‍ , മദ്രസ കമ്മിറ്റി കണ്‍വീനര്‍ കെ. എം . സിദ്ധീഖ്, വെല്‍ഫയര്‍ കമ്മിറ്റി സെക്രട്ടറി ഷിഹാബുദ്ധീന്‍ ഇ.എം തുടങ്ങിയവരും പങ്കെടുത്തു.
