മൂവാറ്റുപുഴ: വ്യാപാരി വ്യവസായി ഏകോപനസമിതി പേഴയ്ക്കാപ്പിള്ളി യൂണിറ്റ് കമ്മിറ്റിയുടെ ആഭിമുഖ്യത്തില്‍ മാധ്യമ പ്രവര്‍ത്തകര്‍ക്ക് റംസാന്‍ കിറ്റുകള്‍ വിതരണം ചെയ്തു. മൂവാറ്റുപുഴയിലെ പത്ര-ദൃശ്യ മാധ്യമപ്രവര്‍ത്തകര്‍ക്കാണ് കിറ്റുകള്‍ വിതരണം ചെയ്തത്. പ്രസ്സ് ക്ലബ്ബ് ഹാളില്‍ നടന്ന ലളിതമായ ചടങ്ങില്‍ അസോസിയേഷന്‍ പ്രസിഡന്റ് പി.എ.കബീര്‍ ഉദ്ഘാടനം ചെയ്തു. ഭാരവാഹികളായ പി.സി.മത്തായി, കെ.ഇ.ഷാജി, ജോബി ജോസഫ്, പ്രസ്സ് ക്ലബ്ബ് പ്രസിഡന്റ് ടി.എസ്.ദില്‍രാജ്, വൈസ്പ്രസിഡന്റ് കെ.എം. ഫൈസല്‍, ജോയിന്റ് സെക്രട്ടറി അബ്ബാസ് ഇടപ്പിള്ളി, തുടങ്ങിയവര്‍ സംമ്പന്ധിച്ചു.
