മൂവാറ്റുപുഴ : സെന്‍ട്രല്‍ ജുമാ മസ്ജിദ് സക്കാത്തുല്‍ മാല്‍ പദ്ധതി പ്രകാരം നിര്‍മ്മിച്ചു നല്‍കുന്ന വാദി സലാമ ഭവനങ്ങളുടെ താക്കോല്‍ദാന സമര്‍പ്പണം തിങ്കളാഴ്ച നടക്കും. വൈകിട്ട് നാലിന് പദ്ധതി പ്രദേശത്ത് നടക്കുന്ന ചടങ്ങില്‍ പാണക്കാട് സയ്യിദ് സാദിക്കലി ശിഹാബ് തങ്ങള്‍ താക്കോല്‍ദാന കര്‍മ്മങ്ങള്‍ നിര്‍വഹിക്കും.
ഭവന പദ്ധതികളുടെ സമര്‍പ്പണത്തോടനുബന്ധിച്ച് രാഷ്ട്രദീപം പുറത്തിറക്കിയ പ്രത്യേക പതിപ്പ് പാണക്കാട് കൊടപ്പനക്കല്‍ തറവാട്ടില്‍ വച്ച് സയ്യിദ് സാദിക്കലി ശിഹാബ് തങ്ങള്‍ നിര്‍വഹിച്ചു. ജമാഅത്ത് കമ്മിറ്റി പ്രസിഡന്റ് അബ്ദുല്‍സലാം, ജോയിന്‍ സെക്രട്ടറി കെ എം അബ്ദുലൈസ്, പബ്ലിസിറ്റി കമ്മിറ്റി കണ്‍വീനര്‍ നിസാര്‍ കുടിയില്‍, നഗരസഭ കൗണ്‍സിലര്‍ പിഎം സലീം, രാഷ്ട്രദീപം എഡിറ്റര്‍ യൂസഫ് അന്‍സാരി എന്നിവര്‍ സംബന്ധിച്ചു.
