കോഴിക്കോട്: മുതിര്‍ന്ന മാധ്യമപ്രവര്‍ത്തകനും ബിസിനസ് ലൈന്‍ മുന്‍ സീനിയര്‍ അസിസ്റ്റന്റ് എഡിറ്ററുമായിരുന്ന മോനി കെ.മാത്യു (66 ) നിര്യാതനായി. സംസ്‌കാരം ബുധനാഴ്ച്ച 3 മണിക്ക് കോഹിനൂര്‍ സെന്റ് മേരീസ് ചര്‍ച്ചില്‍ നടക്കും.ചെന്നൈ ഫിനാന്‍ഷ്യല്‍ എക്‌സ് പ്രസ്സില്‍ റസിഡന്റ് എഡിറ്റര്‍ ആയിരുന്ന മോനി മാത്യു പൊതുധനകാര്യ, ബാങ്കിങ് മേഖലകളില്‍ നിരവധി ലേഖനങ്ങള്‍ കൈകാര്യം ചെയ്തിട്ടുണ്ട് .കേരള ബജറ്റ് നിരൂപണങ്ങള്‍ ഉള്‍പ്പെടെ നിരവധി ശ്രദ്ധേയമായ ലേഖനങ്ങള്‍ പ്രസിദ്ധീകരിച്ചിട്ടുണ്ട്. ബിസിനസ് ജേര്‍ണലിസത്തില്‍ നിരവധി പുതുതലമുറ പത്രപ്രവര്‍ത്തകര്‍ക്ക് മാര്‍ഗദര്‍ശിയുമായിരുന്നു . ഭാര്യ :ഡെയ്‌സി മോനി .(റിട്ടയേര്‍ഡ് അസിസ്റ്റന്റ് റെജിസ്ട്രാര്‍ , കാലിക്കറ്റ് യൂണിവേഴ്‌സിറ്റി .മക്കള്‍ :അനീഷ് കെ. മോനി (സോഫ്റ്റ്വെയര്‍ എഞ്ചിനീയര്‍ , ചെന്നൈ ), അജിത് കെ. മോനി (ഇലക്ട്രിക്കല്‍ എഞ്ചിനീയര്‍, ബാംഗ്ലൂര്‍ ). മരുമകള്‍: ഡോ . ഷോണാ രാജു (കെഎംസിടി ഡെന്റല്‍ കോളേജ് ).
