തിരുവനന്തപുരം: ലോക്‌സഭാ തിരഞ്ഞെടുപ്പിന്റെ രണ്ടാം ഘട്ട പോളിങ് നാല് മണിക്കൂര്‍ പിന്നിടുമ്പോള്‍ കേരളത്തിലെ പോളിങ് ശതമാനം 26.26 കടന്നു. രാവിലെ 11.15 മണി വരെയുള്ള കണക്ക് പ്രകാരമുള്ള കണക്കാണിത്. ഏറ്റവും കൂടുതല്‍ പോളിംഗ് ശതമാനം ആറ്റിങ്ങല്‍ മണ്ഡലത്തിലാണ്.27.81 ശതമാനം പേര്‍ ആറ്റിങ്ങലില്‍ വോട്ട് രേഖപ്പെടുത്തി കഴിഞ്ഞു.
ആലപ്പുഴ മണ്ഡലമാണ് പോളിങില്‍ രണ്ടാം സ്ഥാനത്തുള്ളത്. 27.64 പേരാണ് ഇതുവരെ ആലപ്പുഴ മണ്ഡലത്തില്‍ വോട്ട് രേഖപ്പെടുത്തിയത്. പാലക്കാട് 27.60 ശതമാനവും ചാലക്കുടിയില്‍ 27.34 ശതമാനം പേരും കണ്ണൂരില്‍ 27.36 ശതമാനം പേരും വോട്ട് രേഖപ്പെടുത്തി. ഏറ്റവും കുറഞ്ഞ പോളിങ് പൊന്നാനിയിലാണ് രേഖപ്പെടുത്തിയിരിക്കുന്നത്. 23.22 ശതമാനമാണ് പോളിങ് ഇതുവരെ രേഖപ്പെടുത്തിയത്.
