പത്തനംതിട്ട: സിപിഐ പത്തനംതിട്ട ജില്ലാ കമ്മിറ്റിയംഗം അബ്ദുള്‍ ഷുക്കൂര്‍ പാര്‍ട്ടി വിട്ട് കോണ്‍ഗ്രസില്‍ ചേര്‍ന്നു. ഡിസിസി ഓഫീസിലെത്തി അബ്ദുള്‍ ഷുക്കൂര്‍ പാര്‍ട്ടി അംഗത്വം സ്വീകരിച്ചു. സംഘടനാ പ്രവര്‍ത്തനത്തിന് ഏറ്റവും അനുയോജ്യം കോണ്‍ഗ്രസ് പാര്‍ട്ടി ആയതിനാലാണ് കോണ്‍ഗ്രസില്‍ ചേര്‍ന്നതെന്ന് അബ്ദുള്‍ ഷുക്കൂര്‍ പ്രതികരിച്ചു. ലോക്‌സഭാ തിരഞ്ഞെടുപ്പില്‍ യുഡിഎഫ് വിജയിക്കുമെന്നും അബ്ദുള്‍ ഷുക്കൂര്‍ പറഞ്ഞു.
ഡിസിസി ഓഫീസിലെത്തിയ അബ്ദുള്‍ ഷുക്കൂറിനെ ഡിസിസി പ്രസിഡന്റ് സതീഷ് കൊച്ചുപറമ്പിലിന്റെ നേതൃത്വത്തില്‍ കോണ്‍ഗ്രസ് നേതാക്കള്‍ സ്വീകരിച്ചു. കോണ്‍ഗ്രസ് അംഗത്വം അബ്ദുള്‍ ഷുക്കൂര്‍ സ്വീകരിച്ചു. ജില്ലാ പഞ്ചായത്ത് പ്രസിഡന്റ് തിരഞ്ഞെടുപ്പുമായി ബന്ധപ്പെട്ട് സിപിഐ നേതൃത്വവുമായി ആശയ ഭിന്നതയിലായിരുന്നു അബ്ദുള്‍ ഷുക്കൂര്‍.
