കോഴിക്കോട്: സിപിഎം സംസ്ഥാന സെക്രട്ടറി എംവി ഗോവിന്ദന്‍ നയിക്കുന്ന ജനകീയ പ്രതിരോധ ജാഥയില്‍ പങ്കെടുക്കാന്‍ ആളുകളെത്തിയത് സ്‌കൂള്‍ ബസില്‍. ആയഞ്ചേരിയിലും മുക്കത്തും പേരാമ്പ്രയിലുമാണ് ജാഥയില്‍ പങ്കെടുക്കാന്‍ സ്‌കൂള്‍ ബസില്‍ ആളുകളെത്തിയത്. പേരാമ്പ്ര മുതുകാട് പ്ലാന്റേഷന്‍ ഹൈസ്‌കൂള്‍ ബസിലാണ് പ്രവര്‍ത്തകരെ എത്തിച്ചത്. സംഭവത്തില്‍ യൂത്ത് കോണ്‍ഗ്രസ് ഡിഡിഇക്ക് പരാതി നല്‍കി.
ജനകീയ പ്രതിരോധ ജാഥയില്‍ പങ്കെടുക്കാന്‍ ഇ പി ജയരാജന്‍ എത്തുമെന്ന് എംവി ?ഗോവിന്ദന്‍ പറഞ്ഞു. മാര്‍ച്ച് 18 വരെ സമയമുണ്ട്. ലക്ഷക്കണക്കിന് പാര്‍ട്ടി പ്രവര്‍ത്തകര്‍ റാലിയില്‍ പങ്കെടുത്തുകൊണ്ടിരിക്കുന്നു. ഇ പി ജയരാജന്‍ ജാഥ അം?ഗമല്ല. എപ്പോള്‍ വേണമെങ്കിലും ജാഥയില്‍ പങ്കെടുക്കാം. കാത്തിരിക്കൂം എന്നും എംവി ?ഗോവിന്ദന്‍ കോഴിക്കോട് പേരാമ്പ്രയില്‍ മാധ്യമങ്ങളോട് പറഞ്ഞു.
