ബെംഗളുരു: മന്ത്രിസഭാ രൂപീകരണത്തിനു പിന്നാലെ ഭരണ മുന്നണിയില്‍ മുറുമുറുപ്പുള്ളവരെ ഒപ്പം കൂട്ടാന്‍ ബിജെപി നേതാവ് ബി.എസ് യെദ്യൂരപ്പ. കോണ്‍ഗ്രസില്‍ നിന്നും ജെഡിഎസില്‍ നിന്നും നിരവധി എംഎല്‍എമാര്‍ ബിജെപിയില്‍ ചേരാന്‍ തയാറായിട്ടുണ്ടെന്ന് യെദ്യൂരപ്പ പറഞ്ഞു. അവരെ പാര്‍ട്ടിയില്‍ എത്തിച്ച് ശക്തിപ്പെടുത്തുക ഉത്തരവാദിത്തമാണെന്നും യെദ്യൂരപ്പ വ്യക്തമാക്കി.
മന്ത്രിസഭയില്‍ ഉചതമായ സ്ഥാനം ലഭിക്കാത്തതിനാല്‍ ഇരു പാര്‍ട്ടികളിലുമുള്ള എംഎല്‍എമാരില്‍ അസംതൃപ്തി പുകയുന്നതായി റിപ്പോര്‍ട്ടുകള്‍ പുറത്തുവന്നിരുന്നു. ബെംഗളുരുവില്‍ പാര്‍ട്ടി പ്രവര്‍ത്തകരെ അഭിസംബോധന ചെയ്ത് സംസാരിക്കുകയായിരുന്നു ബിജെപി നേതാവ്. സംസ്ഥാനത്ത് ശക്തമായ പ്രതിപക്ഷമായി പ്രവര്‍ത്തിക്കുമെന്നും പറഞ്ഞ യെദ്യൂരപ്പ സര്‍ക്കാര്‍ എത്രകാലം നിലനില്‍ക്കുമെന്നതിലും സംശയം പ്രകടിപ്പിച്ചു.
