കൊച്ചി: ഇന്‍സ്റ്റഗ്രാം മെസേജിന്റെ പേരില്‍ പെണ്‍കുട്ടിയെ മര്‍ദ്ദിച്ച കേസില്‍ യുവാവ് പിടിയില്‍. പച്ചാളം സെമിത്തേരിമുക്ക് ഭാഗത്ത് വാടകയ്ക്ക് താമസിക്കുന്ന പൊന്നാനി പള്ളിപ്പടി മൂത്തേടത്ത് വീട്ടില്‍ മിലനെയാണ് (22) പൊലീസ് അറസ്റ്റ് ചെയ്തത്. എറണാകുളം നോര്‍ത്ത് പൊലീസ് ഇന്‍സ്‌പെക്ടര്‍ പ്രതാപചന്ദ്രന്റെ നേതൃത്വത്തിലുള്ള സംഘമാണ് പ്രതിയെ പിടികൂടിയത്.
23ന് രാത്രിയിലായിരുന്നു കേസിനാസ്പദമായ സംഭവം. കുന്നത്തുനാട് മഴുവന്നൂര്‍ സ്വദേശിനിയായ പെണ്‍കുട്ടിയെയാണ് യുവാവ് മര്‍ദ്ദിച്ചത്. ഇന്‍സ്റ്റഗ്രാമിലൂടെ പെണ്‍കുട്ടി സുഹൃത്തായ മിലന്റെ അച്ഛനെയും അമ്മയെയും കുറിച്ച് മോശമായി പറഞ്ഞു എന്നാരോപിച്ചാണ് പെണ്‍കുട്ടിയെ ക്രൂരമായി മര്‍ദ്ദിച്ചത്. പ്രതിയെ കോടതിയില്‍ ഹാജരാക്കി റിമാന്റ് ചെയ്തു.
