കോഴിക്കോട്: ജീവനക്കാരനെ പോലീസ് മര്‍ദിച്ചെന്ന് പരാതിയില്‍ കൊയിലാണ്ടിയില്‍ സ്വകാര്യ ബസ്സുകളുടെ മിന്നല്‍ പണിമുടക്ക്. കോഴിക്കോട്, വടകര, കൊയിലാണ്ടി റൂട്ടുകളില്‍ ബസ്സുകള്‍ സര്‍വീസ് നടത്തുന്നില്ല.
മേപ്പയ്യൂര്‍ റൂട്ടിലോടുന്ന സ്വകാര്യ ബസ്സിലെ ജീവനക്കാരനായ ഗിരീഷിനെ പോലീസ് മര്‍ദിക്കുകയും കേസെടുക്കുകയും ചെയ്തതില്‍ പ്രതിഷേധിച്ചാണ് പണിമുടക്ക്. വിദ്യാര്‍ഥികളെ കയറ്റുന്നതുമായി ബന്ധപ്പെട്ട പ്രശ്നത്തിലാണ് ഇയാള്‍ക്കെതിരേ പോലീസ് കേസെടുത്തത്. ഇന്നലെ വൈകീട്ടാണ് സംഭവം .
