തിരുവനന്തപുരം: രാജ്യത്തിന്റെ പ്രധാനമന്ത്രിയുടെ സുരക്ഷ ഉറപ്പുവരുത്താനുളള നടപടികള്‍ രഹസ്യമാക്കി വെക്കാന്‍ പോലും കഴിയാത്ത സര്‍ക്കാരാണ് കേരളം ഭരിക്കുന്നതെന്ന് കേന്ദ്ര മന്ത്രി വി മുരളീധരന്‍. പ്രധാമനമന്ത്രിയുടെ കേരള സന്ദര്‍ശനവുമായി ബന്ധപ്പെട്ട പൊലീസ് സുരക്ഷാ റിപ്പോര്‍ട്ട് ചോര്‍ന്നത് ആഭ്യന്തര വകുപ്പിന്റെ വീഴ്ചയെന്നും മുരളീധരന്‍ പറഞ്ഞു. ആഭ്യന്തര വകുപ്പിന്റെ അങ്ങേയറ്റത്തെ വീഴ്ചയാണിത്. ഗുരുതരമായ സംഭവമായിട്ടാണ് ഇതിനെ കാണേണ്ടത്. ബന്ധപ്പെട്ട ഉദ്യോഗസ്ഥന്മാര്‍ക്കെതിരെ നടപടിയെടുക്കണമെന്നും മന്ത്രി ്ആവശ്യപ്പെട്ടു..
12എങ്ങനെ ചോര്‍ന്നു എന്നതിനെക്കുറിച്ചുള്ള വിവരങ്ങള്‍ സംസ്ഥാന മുഖ്യമന്ത്രി ജനങ്ങളോട് വ്യക്തമാക്കണം. കാരണം അദ്ദേഹമാണ് ആഭ്യന്തര വകുപ്പിന്റെ ചുമതല വഹിക്കുന്നത്. രാജ്യത്തിന്റെ പ്രധാനമന്ത്രിയുടെ സുരക്ഷ ഉറപ്പുവരുത്താനുള്ള നടപടികള്‍ അത് രഹസ്യമാക്കി വെക്കാന്‍ പോലും കഴിയാത്ത ഒരു സര്‍ക്കാരാണ് സംസ്ഥാനം ഭരിക്കുന്നത് എന്നുള്ളത് ജനങ്ങളുടെ ആശങ്ക വര്‍ദ്ധിപ്പിക്കുകയാണ്. അതിനര്‍ത്ഥം കേരളത്തിന്റെ ആഭ്യന്തര വകുപ്പ് അങ്ങേയറ്റം കുത്തഴിഞ്ഞ അവസ്ഥയിലാണ് എന്നതാണ്’, വി മുരളീധരന്‍ വിമര്‍ശിച്ചു.
