കണ്ണൂര്‍: കര്‍ണാടകയില്‍ നിന്നും കാറില്‍ കടത്തിക്കൊണ്ടുവരികയായിരുന്ന എംഡിഎംഎയുമായി രണ്ട് യുവാക്കള്‍ അറസ്റ്റില്‍. കൂട്ടുപുഴ പാലത്തില്‍ വെച്ചാണ് യുവാക്കള്‍ പിടിയിലായത്. മട്ടന്നൂര്‍ നടുവനാട് സ്വദേശി അമല്‍ ശ്രീധരന്‍, ഇരിട്ടി കല്ലുമുട്ടി സ്വദേശി ശരത് ദിനേശന്‍ എന്നിവരാണ് കൂട്ടുപുഴ പാലത്തിന് അരികിലുള്ള കല്ലുമുട്ടിയില്‍ നിന്നും പിടിയിലായത്.
കര്‍ണാടകയിലെ രണ്ടും കേരളത്തിലെ മൂന്നും ചെക്ക് പോസ്റ്റുകള്‍ കടന്നാണ് സംഘം ഇരിട്ടിയിലെത്തിയത്. ഇവര്‍ സഞ്ചരിച്ചിരുന്നു ആള്‍ട്ടോ കാറും പോലീസ് പിടിച്ചെടുത്തു. കോടതിയില്‍ ഹാജരാക്കിയ പ്രതികളെ റിമാന്‍ഡ് ചെയ്തു.
