കൊച്ചി: എഷ്യാനെറ്റ് ന്യൂസിനെതിരെ നല്‍കിയ പരാതിയില്‍ മൊഴി നല്‍കാന്‍ ക്രൈംബ്രാഞ്ചിന് മുന്നില്‍ പിവി അന്‍വര്‍. എംഎല്‍എ. ഹാജരായി. പ്രായപൂര്‍ത്തിയാകാത്ത പെണ്‍കുട്ടിയെ ഉപയോഗിച്ച് വ്യാജവാര്‍ത്ത നിര്‍മിച്ചുവെന്ന കേസുമായി ബന്ധപ്പെട്ട് പി.വി അന്‍വറിന്റെ പരാതിയില്‍ ഏഷ്യാനെറ്റ് ന്യൂസിനെതിരെ കേസെടുത്തിരുന്നു. ഇതില്‍ മൊഴിനല്‍കാനാണ് അന്‍വര്‍ എത്തിയത്.
2022 നവംബര്‍ 10-ന് ചാനലില്‍ സംപ്രേക്ഷണം ചെയ്ത വാര്‍ത്ത പരമ്പരയില്‍ പതിനാലുകാരിയുടേതെന്ന് കാണിക്കുന്ന അഭിമുഖം വ്യാജമെന്നാണ് പരാതി. കണ്ണൂര്‍ റിപ്പോര്‍ട്ടര്‍ നൗഫല്‍ ബിന്‍ യൂസഫാണ് ഇത് റിപ്പോര്‍ട്ട് ചെയ്തത്.
