തിരുവനന്തപുരം: കഴക്കൂട്ടം പൊലീസ് സ്റ്റേഷനില്‍ നിന്ന് കാണാതായ ഉദ്യോഗസ്ഥനെ കണ്ടെത്തി. സിവില്‍ പൊലീസ് ഉദ്യോഗസ്ഥനായ നിസാമുദ്ദീനെയാണ് കണ്ടെത്തിയത്. പൂന്തറയിലെ പൊലീസ് ക്വോട്ടേഴ്സില്‍ നിന്നാണ് നിസാമിനെ കണ്ടെത്തിയത്. കുടുംബ വഴക്കിനെ തുടര്‍ന്ന് ഇയാള്‍ മാറി നില്‍ക്കുകയായിരുന്നുവെന്ന് പൊലീസ് പറഞ്ഞു.
കഴിഞ്ഞ ദിവസമാണ് നിസാമുദ്ദീനെ കൊണാനില്ലെന്ന് ഭാര്യ പൊലീസില്‍ പരാതിപ്പെട്ടത്. ഉടന്‍ തന്നെ പൊലീസ് അന്വേഷണം ആരംഭിച്ചു. പൂന്തുറ പൊലീസാണ് അന്വേഷണം നടത്തിയത്. നിസാമുദ്ദീന്‍ തന്നെയാണ് പൊലീസിനെ സ്ഥലത്തുള്ള വിവരം അറിയിച്ചത്.
