കേരളത്തില്‍ നിന്നുള്ള രാജ്യസഭാ സീറ്റിലേക്കുള്ള ഉപതിരഞ്ഞെടുപ്പ് ഇന്ന്. ജോസ് കെ മാണി രാജിവെച്ച ഒഴിവിലേക്കാണ് തിരഞ്ഞെടുപ്പ്. എല്‍ഡിഎഫ് സ്ഥാനാര്‍ഥിയായി ജോസ് കെ മാണിയും യുഡിഎഫിനായി ശൂരനാട് രാജശേഖരനുമാണ് മത്സര രംഗത്ത്.
രാവിലെ 9 മുതല്‍ വൈകിട്ട് 4 വരെ നിയമസഭയിലെ പ്രത്യേക പോളിങ് ബൂത്തിലാണ് വോട്ടെടുപ്പ്. അഞ്ച് മണിക്ക് വോട്ടെണ്ണും. ക്വാറന്റൈനില്‍ കഴിയുന്നവര്‍ക്ക് പ്രത്യേക സജ്ജീകരണം ഉണ്ട്. നിലവിലെ സ്ഥിതിയില്‍ എല്‍ഡിഎഫിന് ജയം ഉറപ്പാണ്.
യുഡിഎഫ് വിട്ട് എല്‍ഡിഎഫില്‍ എത്തിയപ്പോഴാണ് ജോസ് കെ മാണി എം.പി സ്ഥാനം രാജിവെച്ചത്. 2024 വരെ കാലാവധി ബാക്കിയുണ്ടായിരുന്നു. പശ്ചിമ ബംഗാളിലും ഒഴിവ് വന്ന ഒരു സീറ്റിലേക്ക് ഇന്ന് തിരഞ്ഞെടുപ്പ് നടക്കും.
