മൂവാറ്റുപുഴ : വണ്‍വേ കൂട്ടത്തിന്റെ പത്താം വാര്‍ഷികവും ബലിപെരുന്നാള്‍ ആഘോഷവും നടത്തി. വണ്‍വേ ജംഗ്ഷനില്‍ വാഹന യാത്രക്കാര്‍ക്ക് പായസവിതരണവും വൃദ്ധസദനത്തിലെ അന്തേവാസികള്‍ക്ക് ഒരു ദിവസത്തെ ഭക്ഷണവും വണ്‍വേ കൂട്ടം വിതരണം ചെയ്തു. കൂട്ടത്തിലെ മുതിര്‍ന്ന അംഗം കായിക്ക ക്ക് നല്‍കി യൂസഫ് അന്‍സാരി പായസ വിതരണം ഉദ്ഘാടനം ചെയ്തു.
ജീവകാരുണ്യ സാമൂഹിക പ്രവര്‍ത്തന മേഖലയില്‍ കഴിഞ്ഞ 10 വര്‍ഷമായി വണ്‍വേ ജംഗ്ഷന്‍ കേന്ദ്രീകരിച്ച് പ്രവര്‍ത്തിക്കുന്ന സംഘടനയാണ് വണ്‍വേ കൂട്ടം. ഓണം, ക്രിസ്തുമസ്, വിഷു തുടങ്ങിയ ആഘോഷ വേളകളിലെല്ലാം വണ്‍വേകൂട്ടം പായസ വിതരണം നടത്തുകയും അനാഥാലയങ്ങളില്‍ ഭക്ഷണം എത്തിക്കുകയും ചെയ്യാറുണ്ട്. പ്രസിഡന്റ് അസീസ് തെങ്ങുംതോട്ടം, സെക്രട്ടറി സുനില്‍ കൊല്ലം കുടി, ട്രഷറര്‍ പി എസ് സൈനുദ്ദീന്‍ എന്നിവര്‍ പരിപാടികള്‍ക്ക് നേതൃത്വം നല്‍കി.
