ഗസയില്‍ വീണ്ടും ബോംബു വര്‍ഷിച്ച ഇസ്രായേല്‍ നടപടിയില്‍ പ്രതിഷേധം. ഹമാസ് പോരാളികള്‍ അഗ്‌നിബലൂണുകള്‍ അയച്ചെന്ന് ആരോപിച്ചായിരുന്നു ഇന്ന് വെളുപ്പിന് ആക്രമണം. നാഫ്റ്റലി ബെനറ്റ് പ്രധാനമന്ത്രി പദത്തിലെത്തി രണ്ടാം ദിവസമാണ് ഗസ്സ തുരുത്തില്‍ ബോംബര്‍ വിമാനങ്ങള്‍ ആക്രമണം നടത്തിയത്. ്ര
പകോപനപരമായ നടപടികളില്‍ നിന്ന് ഇരുപക്ഷവും വിട്ടു നില്‍ക്കണമെന്ന് വന്‍ശക്തി രാജ്യങ്ങള്‍ ആവശ്യപ്പെട്ടു. എന്തുവില കൊടുത്തും വെടിനിര്‍ത്തല്‍ തുടരേണ്ടതുണ്ടെന്ന് ഇരു കൂട്ടര്‍ക്കുമിടയില്‍ മധ്യസ്ഥത വഹിച്ച ഈജിപ്തും നിര്‍ദേശിച്ചു.
അതേസമയം ജറൂസലമില്‍ അനധികൃത കുടിയേറ്റം തുടര്‍ന്നാല്‍ വെറുതെയിരിക്കില്ലെന്ന് ഫലസ്തീന്‍ ചെറുത്തുനില്‍പ്പ് സംഘടനകളും വ്യക്തമാക്കി.
