ആലപ്പുഴ: പോലീസുകാരന്റെ ബൈക്ക് മോഷണംപോയി. കളമശ്ശേരി സ്റ്റേഷനിലെ സിവില്‍ പോലീസ് ഓഫീസര്‍ തുറവൂര്‍ തിരുമലഭാഗം വടക്കേമുറിയില്‍ വി.ജി. വിനോദിന്റെ ബൈക്കാണ് വെള്ളിയാഴ്ച രാവിലെ മുതല്‍ കാണാതായത്. വ്യാഴാഴ്ച രാവിലെ തുറവൂര്‍ മഹാക്ഷേത്രത്തിനുസമീപം ബൈക്ക് വെച്ചശേഷമാണ് വിനോദ് ബസ്സില്‍ ജോലിക്കുപോയത്.
വെള്ളിയാഴ്ച രാവിലെ തിരികെയെത്തിയപ്പോഴാണ് ബൈക്ക് മോഷണംപോയ വിവരമറിയുന്നത്. താഴും ചങ്ങലയും ഉപയോഗിച്ചു പൂട്ടിവെച്ചിട്ടുപോയ ബൈക്കാണ് പൂട്ടുതകര്‍ത്ത് മോഷ്ടിച്ചത്. കുത്തിയതോട് പോലീസില്‍ പരാതിനല്‍കി.
