കണ്ണൂര്‍: ഉളിക്കല്‍ അറബിക്കുളത്ത് നിന്ന് കാണാതായ പെണ്‍കുട്ടിയെ മരിച്ച നിലയില്‍ കണ്ടെത്തി. വയത്തൂര്‍ ഹൈസ്‌കൂള്‍ പത്താംതരം വിദ്യാര്‍ഥിനി ദുര്‍ഗയെയാണ് മരിച്ച നിലയില്‍ കണ്ടെത്തിയത്. ഇരിട്ടി ബാരാപ്പുഴയില്‍ നിന്നാണ് 15കാരിയുടെ മൃതദേഹം നാട്ടുകാര്‍ തിരിച്ചറിഞ്ഞത്.
കഴിഞ്ഞ ദിവസം രാവിലെയാണ് കണ്ണൂര്‍ ഉളിക്കല്‍ അറബിക്കുളം സ്വദേശി 15 വയസുകാരി ദുര്‍ഗയെ വീട്ടില്‍ നിന്നും കാണാതാവുന്നത്. നടുവിലെ പുരയില്‍ രതീഷ് – സിന്ധു ദമ്പതികളുടെ മകളാണ് പത്താം തരം വിദ്യാര്‍ഥിയായ ദുര്‍ഗ. ഇന്ന് ഉച്ചയോടെയാണ് ഇരിട്ടി ബാരാപ്പുഴയില്‍ നിന്ന് മൃതദേഹം നാട്ടുകാര്‍ കണ്ടെത്തുന്നത്. പിന്നീട് പോലീസും ഫയര്‍ഫോഴ്‌സും എത്തി മൃതദേഹം പുറത്തെടുത്തു. വീട്ടില്‍ നിന്ന് അകലെയുള്ള ഇരിട്ടി ബാരാപ്പുഴയില്‍ മൃതദേഹം എത്തിയതില്‍ ഉള്‍പ്പെടെ ദുരൂഹതയുണ്ട്.
