ആലുവ : മാഞ്ഞാലിയില്‍ കുപ്രസിദ്ധ ഗുണ്ടയുടെ വീട്ടിൽ പോലിസ് റെയ്ഡ്. തോക്കുകളും വെടിയുണ്ടകളും പിടിച്ചെടുത്തു. ഗുണ്ടാതലവൻ റിയാസിന്റെ വീട്ടില്‍ നിന്നാണ് രണ്ടു തോക്കുകളും ഇരുപതോളം വെടിയുണ്ടകളും 9 ലക്ഷം രൂപയും പിടികൂടിയത്. റിയാസിനെ പൊലീസ് കസ്റ്റഡിയിലെടുത്തു.
റൂറല്‍ എസ്പി വൈഭവ് സക്‌സേനയുടെ നേതൃത്വത്തിലുള്ള പ്രത്യേക സംഘമാണ് തോക്കുകള്‍ പിടിച്ചെടുത്തത്. രഹസ്യവിവരത്തെ തുടര്‍ന്നാണ് പൊലീസ് റിയാസിന്റെ വീട്ടില്‍ പരിശോധന നടത്തിയത്. റിയാസിനെ പൊലീസ് വിശദമായി ചോദ്യം ചെയ്ത് വരികയാണ്.
