കോതമംഗലം: ബൈക്ക് മോഷ്ടാവ് അറസ്റ്റില്‍. ആലപ്പുഴ ഇരമല്ലിക്കര ഓത്തറത്ത് വീട്ടില്‍ സുജേഷ് കുമാര്‍ (45) നെയാണ് കോതമംഗലം പൊലീസ് അറസ്റ്റ് ചെയ്തത്. കഴിഞ്ഞ 25 ന് പുലര്‍ച്ചെ കോതമംഗലം കുത്തു കുഴിയിലുള്ള വര്‍ക്ക്‌ഷോപ്പില്‍ നിന്നും ബൈക്ക് മോഷ്ടിക്കുകയായിരുന്നു. തുടര്‍ന്ന് നടത്തിയ അന്വേഷണത്തിനൊടുവിലാണ് ഇയാള്‍ പിടിയിലാകുന്നത്.
ആലപ്പുഴ, അടിമാലി, മാന്നാര്‍ തുടങ്ങിയ വിവിധ പൊലീസ് സ്റ്റേഷനുകളില്‍ ഇയാള്‍ക്കെതിരെ നിരവധി കേസുകളുണ്ട്. എസ്.എച്ച്.ഒ സി.എല്‍. ഷാജുവിന്റെ നേതൃത്വത്തിലുള്ള അന്വേഷണ സംഘത്തില്‍ എസ്.ഐ ബൈജു പി ബാബു, എ എസ് ഐ രാജേഷ്, എസ്.സി.പി.ഒ മാരായ ജോസ് ബെന്നോ തോമസ്, സലീം പി ഹസ്സന്‍ എന്നിവരാണ് ഉണ്ടായിരുന്നത്.
