മഹാരാഷ്ട്ര : ഔറംഗാബാദില്‍ തീര്‍ഥാടകര്‍ സഞ്ചരിച്ച ട്രാവലര്‍ നിര്‍ത്തിയിട്ട ട്രക്കിന് പിന്നിലിടിച്ച് 12 പേര്‍ മരിച്ചു. 20 പേര്‍ക്ക് പരുക്കേറ്റു. മരിച്ചവരില്‍ നാലുമാസം പ്രായമുള്ള കുഞ്ഞുമുണ്ട്. നാഗ്പുര്‍-മുംബൈ സമൃദ്ധി എക്‌സ്പ്രസ് വേയില്‍ പുലര്‍ച്ച ഒന്നരയോടെയാണ് അപകടമുണ്ടായത്. സൈലാനി ബാബ ദര്‍ഗയില്‍ നിന്നും തീര്‍ഥാടനം കഴിഞ്ഞ് നാസിക്കിലേക്ക് വരികയായിരുന്ന സംഘത്തിന്റെ ട്രാവലര്‍, വൈജാപുര്‍ ജംബാര്‍ ടോള്‍ ബൂത്തിന് സമീപം നിര്‍ത്തിയിട്ട ട്രക്കിന് പിന്നിലേക്ക് ഇടിച്ചു കയറുകയായിരുന്നു.
