ന്യൂഡല്‍ഹി: കേരളത്തിന്റെ കടമെടുപ്പ് പരിധി സംബന്ധിച്ച കേന്ദ്രവും സംസ്ഥാന സര്‍ക്കാരും തമ്മിലുള്ള ചര്‍ച്ച ഇന്ന്.കേരളത്തെ പ്രതിനിധീകരിച്ച് ധനമന്ത്രി കെ.എന്‍. ബാലഗോപാലിന്റെ നേതൃത്വത്തിലുള്ള നാലംഗ സംഘമാണ് ചര്‍ച്ചയില്‍ പങ്കെടുക്കുക.
വൈകിട്ട് നാല് മണിക്കാണ് യോഗം ക്രമീകരിച്ചിട്ടുള്ളത്. ധനമന്ത്രിക്ക് പുറമെ മുഖ്യമന്ത്രിയുടെ ചീഫ് പ്രിന്‍സിപ്പല്‍ സെക്രട്ടറി കെ.എം. എബ്രഹാം, ധനകാര്യ പ്രിന്‍സിപ്പല്‍ സെക്രട്ടറി രബീന്ദ്ര കുമാര്‍ അഗര്‍വാള്‍, അഡ്വ.ജനറല്‍ കെ.ഗോപാലകൃഷ്ണ കുറുപ്പ് എന്നിവരാണ് സംഘത്തിലുള്ളത്.
കടമെടുപ്പ് പരിധി സംബന്ധിച്ച് സംസ്ഥാനസര്‍ക്കാര്‍ സുപ്രീംകോടതിയില്‍ ഹര്‍ജി നല്‍കിയിരുന്നു. എന്നാല്‍ ആദ്യം കേന്ദ്രവും സംസ്ഥാനവും തമ്മില്‍ വിഷയത്തില്‍ ചര്‍ച്ചനടത്താന്‍ കോടതി ആവശ്യപ്പെട്ടിരുന്നു. ഇതിന് പിന്നാലെയാണ് ചര്‍ച്ചകള്‍ക്കായി സംസ്ഥാനസര്‍ക്കാര്‍ സമിതി രൂപീകരിച്ചത്.
