എയര്‍ ഇന്ത്യ ആഭ്യന്തര സര്‍വ്വീസുകള്‍ ആരംഭിക്കുന്നു. മെയ് 19 മുതലാണ് എയര്‍ ഇന്ത്യ സര്‍വീസ് ആരംഭിക്കുന്നത്. വിവിധ നഗരങ്ങളില്‍ കുടുങ്ങിക്കിടക്കുന്നവരെ സ്വന്തം നാട്ടിലെത്തിക്കുന്നതിനാണ് മെയ് 19 മുതല്‍ ജൂണ്‍ 2 വരെ പ്രത്യേക സര്‍വീസ് നടത്തുന്നത്. കേരളത്തില്‍ കൊച്ചിയിലേക്ക് മാത്രമായിരിക്കും ആദ്യഘട്ടത്തില്‍ സര്‍വീസ് നടത്തുക.
ഡല്‍ഹിയില്‍നിന്ന് കൊച്ചി, മുംബൈ, ചൈന്നൈ, ബംഗളൂരു, ഹൈദരാബാദ്, അഹമ്മദാബാദ്, അമൃത്സര്‍, ജയ്പുര്‍, ഗയ, വിജയവാഡ, ലഖ്‌നൗ തുടങ്ങി നഗരങ്ങളിലേക്ക് എയര്‍ ഇന്ത്യയുടെ വിമാന സര്‍വ്വീസ് ഉണ്ടാകും. മെയ് 19 മുതല്‍ ജൂണ്‍ 2 വരെ 12 വിമാനങ്ങളാണ് ഡല്‍ഹിയില്‍ നിന്ന് കൊച്ചിയിലേക്ക് ഷെഡ്യൂള്‍ ചെയ്തിരിക്കുന്നത്. ഘട്ടംഘട്ടമായി വിമാന സര്‍വീസ് ആരംഭിക്കും. മറ്റ് നടപടികളെല്ലാം പൂര്‍ത്തിയായെന്നും സര്‍വീസിന് എവിയേഷന്‍ മന്ത്രാലയത്തിന്റെ അനുമതിക്ക് കാത്തിരിക്കുകയാണെന്നും എയര്‍ ഇന്ത്യ വക്താവ് അറിയിച്ചു.
