ഡല്‍ഹി: 2018 ലെ ഭാരത് ജ്യോതി അവാര്‍ഡിന് കേരള നിയമ സഭ സ്പീക്കര്‍ പി. ശ്രീരാമ കൃഷ്ണനെ തിരഞ്ഞെടുത്തു ഡല്‍ഹി കേന്ദ്രമായി പ്രവര്‍ത്തിക്കുന്ന ഇന്ത്യന്‍ ഇന്റര്‍നാഷണല്‍ നാഷണല്‍ ഫ്രണ്ട് ഷിപ് സൊസൈറ്റി ദേശിയ തലത്തില്‍ ഏര്‍പെടുത്തുന്നതാണ് ഭാരത ജ്യോതി അവാര്‍ഡ്.വിവിധ മേഖലകളില്‍ പ്രാഗല്‍ഭ്യം തെളിയിച്ച ഇന്ത്യന്‍ വ്യക്ത്തിത്വങ്ങള്‍ക്കാണ് ശ്രേദ്ധേയമായ സംഭവനകള്‍ മുന്‍ നിര്‍ത്തി വര്‍്ഷം തോറും ഭാരത് ജ്യോതി അവാര്‍ഡുകള്‍ നല്‍കി വരുന്നത്. രാഷ്ട്രീയം, ശാസ്ത്ര സാങ്കേതികം , വിദ്യാഭ്യാസം,വ്യവസായം, കലാസാഹിത്യം,സാമൂഹിക പ്രവര്‍ത്തനം എന്നി മേഖലകളിലെ സവിശേഷമായ സംഭവനകള്‍ക്കാണ് ഭാരത് ജ്യോതി അവാര്‍ഡ് നല്‍കുക..
ഭാരതവും വിദേശ ഇന്ത്യന്‍ രാജ്യങ്ങളും തമ്മിലുള്ള ബന്ധവും ആദാനപ്രദാനങ്ങളും ശാക്തി പെടുത്തുന്നതിനും വിദേശ ഇന്ത്യ ക്കാരുടെ കഴിവും നൈപുണികളും ഭാരതത്തിന്റെ വികസനത്തിനായി ഉപയോഗിക്കുന്നതിനും അര്‍ത്ഥസമ്പൂര്‍ണ ഇടപെടലുകള്‍ നടത്തുന്ന ശ്രേദ്ധേയമായ ഒരു പ്രസ്ഥാനമാണ് ഇന്ത്യന്‍ ഇന്റര്‍നാഷണല്‍ ഫ്രണ്ട് ഷിപ് സൊസൈറ്റി.
ഡല്‍ഹി ആസ്ഥാനമായി പ്രവര്‍ത്തിക്കുന്ന സൊസൈറ്റിയുടെ അവാര്‍ഡുകള്‍ ഇതിനു മുമ്പ് സമൂഹത്തിലെ ഏറ്റവും ശ്രേദ്ധേയയാരായ പ്രതിഭകള്‍ക്കാണ് നല്‍കിയിട്ടുള്ളത്. മദര്‍ തെരേസ ,മുന്‍ വൈസ് പ്രസിഡന്റ് ബി.ഡി. ജെട്ടി ,ജനറല്‍ ബിക്രം സിംഗ് ,ജനറല്‍ ജെ ജെ സിംഗ്,പങ്കജ് യൂദാസ്,ദേവാനന്ദ്,സുനില്‍ ദത്ത് തുടങ്ങിയ പ്രഗത്ഭരാണ് ഭാരത ജ്യോതി അവാര്‍ഡിന് അര്‍ഹരായിട്ടുള്ളത് കഴിഞ്ഞ വര്‍ഷം ജമ്മു കാശ്മീര്‍ നിയമസഭാ സ്പീക്കര്‍ കവിന്ദര്‍ ഗുപ്തയ്ക്കാണ് അവാര്‍ഡ് ലഭിച്ചത് .കശ്മീരിലെ സംഘര്‍ഷം പരിഹരിക്കുന്നതില്‍ ഭരണ പ്രതിപക്ഷത്തെയും പ്രക്ഷോഭകാരികളെയും യോജിപ്പിക്കാന്‍ നടത്തിയ പരിശ്രമങ്ങളാണ് അദ്ദേഹത്തെ അവാര്‍ഡിന് അര്‍ഹനാക്കിയത്.
കേരള നിയമ സഭ സ്പീക്കര്‍ എന്ന നിലയില്‍ നിയമസഭയുടെ നടത്തിപ്പിലും ഭരണ പ്രതിപക്ഷത്തെ ഏകോപിപ്പിക്കുന്നതിലും പ്രകടിപ്പിച്ച പ്രാഗത്ഭ്യവും നിയമസഭാ പ്രവര്‍ത്തനങ്ങളില്‍ നടപ്പിലാക്കി കൊണ്ടിരിക്കുന്ന നൂതന പദ്ധതികളും കണക്കിലെടുത്തതാണ് ഇന്ത്യ യിലെ നിയമസഭാ സ്പീക്കര്‍ മാറില്‍ നിന്ന് 2018 ലെ ഭാരത് ജ്യോതി അവാര്‍ഡിന് പി. ശ്രീരാമ കൃഷ്ണനെ തെരഞ്ഞെടുത്തത് ഇതോടൊപ്പം നിയമസഭാ സ്പീക്കര്‍ എന്ന നിലയില്‍ ജനാധിപത്യ വ്യവസ്ഥയുടെ വികാസത്തിന് നല്‍കി കൊണ്ടിരിക്കുന്ന നവീന സംഭാവനകളും സമൂഹത്തിലെ ഇടപെടലുകളും പരിഗണിക്ക പെട്ടു.
നിയമസഭാ പ്രവര്‍ത്തങ്ങളെ ജനകീയവത്ക്കരിക്കാനും ഭരണ ഘടനയുടെ അന്തസത്തയെ പൊതു സമൂഹത്തില്‍ എത്തിക്കാനും നടത്തിക്കൊണ്ടിരിക്കുന്ന പ്രവര്‍ത്തനങ്ങള്‍ വിദ്യാര്‍ത്ഥി യുവജന സംഘടനാരംഗത്തിലൂടെ കടന്നു വന്നു സാര്‍വദേശീയ യുവജന പ്രശനത്തിനു നല്‍കിയ സംഭാവനകള്‍ എന്നിവയെല്ലാം പരിഗണിക്ക പെട്ടിട്ടുണ്ട് ആയിരത്തോളം ഭരണ ഘടനാ ക്ലാസുകള്‍ ,ഡിജിറ്റല്‍ അസംബ്ലി,ഹരിത നിയമസഭാ ,സോളാര്‍ നിയമസഭാ ,നിയമ നിര്‍മ്മാണ പ്രക്രിയയില്‍ ബഹുജന പങ്കാളിത്തം തുടങ്ങി സ്പീക്കര്‍ എന്ന നിലയില്‍ നടത്തിയിട്ടുള്ള പദ്ധതികളും പ്രത്യേകം ശ്രദ്ദിക്കപ്പെട്ടു.
കേരള നിയമസഭയുടെ സജീവത നിലനിര്‍ത്തുന്നതിന് വേണ്ടിയുള്ള നിയമ നിര്‍മ്മാണവും അതിന്റെ പ്രാധാന്യവും ബോധ്യപ്പെടുത്താന്‍ വേണ്ടി നടത്തുന്ന പരിശ്രമങ്ങളും നിയമസഭ സമിതികളുടെ റിപോര്‍ട്ടുകള്‍ ചര്‍ച്ച ചെയ്യാന്‍ കാണിക്കുന്ന താല്‍പര്യവും ഉള്‍പ്പടെ സര്‍ഗാത്മകമായി നിയമസഭാ പ്രവര്‍ത്തനങ്ങളെ പുനഃ:സംഘടിപ്പിക്കാന്‍ ശ്രമിച്ചു എന്ന നു ഇന്ത്യ ഇന്റര്‍നാഷണല്‍ സൊസൈറ്റി ജൂറി വിലയിരുത്തുന്നത് .അതോടൊപ്പം പൊതു സമൂഹത്തില്‍ ജനാധിപത്ത്യ ആശയങ്ങളും ജീവിത ശൈലിയും വ്യാപിപ്പിക്കുന്നതിനും ജനാധിപത്യത്തെ പൊതു സമൂഹത്തിന്റെ മുഖ്യ വ്യവസ്ഥയായി വളര്‍ത്തിയെടുക്കുന്നതിനും നടത്തിക്കൊണ്ടിരിക്കുന്ന ശ്രദ്ധേയമായ ഇടപെടലുകളും പരാമര്‍ശിക്കപ്പെട്ടു. മാര്‍ച്ച് 26 നു ന്യൂഡല്‍ഹിയിലെ പ്രസിദ്ധമായ ഇന്ത്യ ഇന്റര്‍നാഷണല്‍ സെന്ററില്‍ നടക്കുന്ന ചടങ്ങില്‍ വെച്ച് അവാര്‍ഡ് സമ്മാനിക്കും.
