ഓഗസ്റ്റ് അഞ്ചുമുതല്‍ യോഗ കേന്ദ്രങ്ങളും ജിമ്മുകളും തുറക്കും. ഇതിനായി കേന്ദ്രം നിര്‍ദ്ദേശങ്ങള്‍ പുറപ്പെടുവിച്ചു. കണ്ടെയ്ന്‍മന്റെ് സോണുകളില്‍ ജിമ്മുകള്‍ക്ക് പ്രവര്‍ത്തിക്കാനാവില്ല. 65 വയസിന് മുകളിലുള്ളവര്‍, മറ്റു അസുഖ ബാധിതര്‍, ഗര്‍ഭിണികള്‍, 10 വയസില്‍ താഴെയുള്ള കുട്ടികള്‍ എന്നിവരെ അടച്ചിട്ട സ്ഥലങ്ങളിലെ ജിമ്മുകളില്‍ പ്രവേശിപ്പിക്കില്ല. വ്യക്തികള്‍ ആറടി സാമൂഹിക അകലം പാലിക്കണം. മാസ്‌ക് നിര്‍ബന്ധമായും ധരിക്കണം. കട്ടികൂടിയതോ, എന്‍ 95 തുടങ്ങിയ മാസ്‌കുകള്‍ ധരിക്കുന്നതോ വ്യായാമത്തിനിടയില്‍ ശ്വാസതടസ്സത്തിനിടയാക്കും, അതിനാല്‍ ഒരു പാളി മാത്രമുള്ള മുഖാവരണം ധരിക്കാം. ഇടക്കിടെ കൈകള്‍ സാനിറ്റൈസര്‍/സോപ്പ് എന്നിവ ഉപയോഗിച്ച് വൃത്തിയാക്കണം, കോവിഡ് മാനദണ്ഡങ്ങള്‍ നിര്‍ബന്ധമായും പാലിക്കണം, എന്തെങ്കിലും രോഗലക്ഷണമുള്ളവര്‍ അടുത്തുള്ള ആരോഗ്യ കേന്ദ്രത്തില്‍ അറിയിക്കണം എന്നിങ്ങനെയുള്ള നിര്‍ദ്ദേശങ്ങളാണ് മാര്‍ഗ നിര്‍ദ്ദേശത്തില്‍ പറയുന്നത്.
