ന്യൂഡല്‍ഹി: ലോക്‌സഭാ തെരഞ്ഞെടുപ്പിലെ ബിജെപി സ്ഥാനാര്‍ഥികളുടെ ആദ്യ പട്ടിക ഇന്ന് പുറത്തുവിടും. കേരളത്തിലേതുള്‍പ്പെടെയുള്ള നൂറിലധികം മണ്ഡലങ്ങളിലെ സ്ഥാനാര്‍ഥികളെയാണ് ശനിയാഴ്ച പ്രഖ്യാപിക്കുക.
റിപ്പോര്‍ട്ടുകള്‍ പ്രകാരം ആദ്യഘട്ട പട്ടികയില്‍ പ്രധാനമന്ത്രി നരേന്ദ്ര മോദി, അമിത് ഷാ, രാജ്നാഥ് സിംഗ് തുടങ്ങി നിരവധി പ്രമുഖരുടെ പേരുണ്ടാകും. സിനിമ മേഖലയില്‍ നിന്നുള്ള അക്ഷയ് കുമാര്‍, കങ്കണ റണാവത്ത് എന്നിവരടക്കം സ്ഥാനാര്‍ഥികളാകും. അക്ഷയ് കുമാര്‍ ചാന്ദ്‌നി ചൗക്കിലും കങ്കണ മാന്‍ഡിയിലും മത്‌സരിക്കുമെന്നാണ് സൂചന.
