തിരുവനന്തപുരം: ഭൂരഹിതരില്ലാത്ത നവകേരളം എന്ന ലക്ഷ്യം മുൻനിർത്തി റവന്യു വകുപ്പിന്‍റെ നേതൃത്വത്തില്‍ 14 ജില്ലാ കേന്ദ്രങ്ങളില്‍ നടത്തുന്ന ജില്ലാ തല പട്ടയമേളയുടെ ഉദ്ഘാടനം ഇന്നു മൂന്നിന് തൃശൂർ തേക്കിൻകാട് വിദ്യാർഥി കോർണറില്‍ മുഖ്യമന്ത്രി പിണറായി വിജയൻ നിർവഹിക്കും.
സംസ്ഥാനതല ഉദ്ഘാടനത്തോടനുബന്ധിച്ച്‌ മറ്റു 13 ജില്ലാ കേന്ദ്രങ്ങളില്‍ ജില്ലാ ചുമതലയുള്ള മന്ത്രിമാരുടെ നേതൃത്വത്തില്‍ ഗുണഭോക്താക്കള്‍ക്ക് പട്ടയങ്ങള്‍ വിതരണം ചെയ്യും.
തിരുവനന്തപുരത്ത് ആര്യനാട് വി.കെ ഓഡിറ്റോറിയം, കൊല്ലം ജില്ലാ പഞ്ചായത്ത് ജയൻ സ്മാരക ഹാള്‍, ആലപ്പുഴ എസ്ഡിവി സെന്‍റിനറി ഹാള്‍, കോട്ടയം കെപിഎസ് മേനോൻ ഹാള്‍, ഇടുക്കി പഞ്ചായത്ത് ടൗണ്‍ഹാള്‍, ചെറുതോണി, എറണാകുളം ഏലൂർ മുനിസിപ്പല്‍ ഹാള്‍, പാലക്കാട് മേഴ്‌സി കോളജ് ഓഡിറ്റോറിയം, മലപ്പുറം മുൻസിപ്പല്‍ ടൗണ്‍ ഹാള്‍, കോഴിക്കോട് പി. കൃഷ്ണപിള്ള മെമ്മോറിയല്‍ ഓഡിറ്റോറിയം കോവൂർ, വയനാട് സേക്രഡ് ഹാർട്ട് ചർച്ച്‌ ജൂബിലി ഹാള്‍ കല്‍പ്പറ്റ, കണ്ണൂർ ഗവ. വൊക്കേഷണല്‍ എച്ച്‌എസ്‌എസ്, കാസർഗോഡ് മുൻസിപ്പല്‍ ടൗണ്‍ ഹാള്‍ എന്നിവിടങ്ങളിലാണ് ജില്ലാതല പട്ടയമേളകള്‍ നടക്കുന്നത്.
