തൃശൂര്: വാല്പ്പാറയില് പുലിയുടെ ആക്രമണത്തില് ഏഴ് വയസുകാരന് ഗുരുതരപരിക്ക്. സിരുഗുണ്ട്ര എസ്റ്റേറ്റില് ഇന്ന് വൈകിട്ടാണ് സംഭവം.
വീടിന് പുറത്ത് കളിക്കുകയായിരുന്ന പ്രദീപ് കുമാര് എന്ന ഏഴ് വയസുകാരനെയാണ് പുലി ആക്രമിച്ചത്. ആക്രമണത്തില് കുട്ടിയുടെ തലയ്ക്ക് ഗുരുതര പരിക്കുണ്ട്.അസം സ്വദേശികളായ തൊഴിലാളികളുടെ മകനാണ് പ്രദീപ് കുമാര്. കുട്ടിയെ മലക്കപ്പാറ ആശുപത്രിയില് പ്രവേശിപ്പിച്ചു.
