തൃശ്ശൂര്‍: കുറഞ്ഞ നിരക്കില്‍ ജനങ്ങള്‍ക്ക് അരി ലഭ്യമാക്കാന്‍ കേന്ദ്രസര്‍ക്കാര്‍ കേരളത്തില്‍ വണ്ടികള്‍ ഇറക്കി. പൊന്നി അരി കിലോയ്ക്ക് 29 രൂപയാണ് നിരക്ക്. അരിക്ക് പുറമെ കടലപ്പരിപ്പും പൊതു വിപണിയേക്കാള്‍ വിലക്കുറവില്‍ ലഭിക്കും. കടലപരിപ്പിന് കിലോയ്ക്ക് 60 രൂപയാണ് വില. . ഒറ്റ ദിവസം രണ്ടു മണിക്കൂര്‍ കൊണ്ട് 150 ചാക്ക് അരി തൃശൂരില്‍ വിറ്റു.
കേന്ദ്ര ഭക്ഷ്യ വകുപ്പിന് കീഴിലുള്ള നാഷനല്‍ കോ ഓപ്പറേറ്റീവ് കണ്‍സ്യൂമര്‍ ഫെഡറേഷന്റെ പേരിലാണ് വിതരണം. എഫ്.സി. ഐ ഗോഡൗണുകളില്‍ നിന്ന് അരിയും പരിപ്പും പ്രത്യേകം പായ്ക്ക് ചെയ്ത് വിതരണം ചെയ്യുന്നത് മില്ലേഴ്‌സ് അസോസിയേഷന്‍ മുഖേനയാണ്. ഓരോ കവലകളിലും വണ്ടി വരും. ഒരാഴ്ചയ്ക്കകം എല്ലാ ജില്ലകളിലും വണ്ടികള്‍ എത്തും. കിലോയ്ക്ക് 25 രൂപയ്ക്ക് നേരത്തെ സവാള വിറ്റിരുന്നു . ഓണ്‍ലൈന്‍ മുഖേന ഇതു വാങ്ങാന്‍ ഉടന്‍ സൗകര്യം നിലവില്‍ വരും
