തിരുവനന്തപുരം: സംസ്ഥാന മന്ത്രിസഭയിലെ പുതിയ അംഗങ്ങളായി രാമചന്ദ്രൻ കടന്നപ്പള്ളിയും കെ.ബി. ഗണേഷ്കുമാറും സത്യപ്രതിജ്ഞ ചെയ്ത് അധികാരമേറ്റു.വൈകുന്നേരം നാലിന് രാജ്ഭവനില്‍ നടന്ന ചടങ്ങില്‍ ഗവര്‍ണര്‍ ആരിഫ് മുഹമ്മദ്ഖാൻ സത്യവാചകം ചൊല്ലിക്കൊടുത്തു.കടന്നപ്പള്ളി രാമചന്ദ്രൻ സഗൗരവം പ്രതിജ്ഞ ചെയ്തപ്പോള്‍ ഗണേഷ് കുമാര്‍ ദൈവനാമത്തിലാണ് അധികാരമേറ്റത്.അതേസമയം, സത്യപ്രതിജ്ഞാ ചടങ്ങില്‍ ചീഫ് സെക്രട്ടറി ഡോ. വി. വേണു പങ്കെടുത്തില്ല. പുതിയ മന്ത്രിമാര്‍ സ്ഥാനം ഏല്‍ക്കുന്ന സത്യപ്രതിജ്ഞാ ചടങ്ങിന്‍റെ വേദിയില്‍ ചീഫ് സെക്രട്ടറി പങ്കെടുക്കേണ്ടതാണ്. എന്നാല്‍ അദ്ദേഹത്തിനു പകരം അഡീഷണല്‍ ചീഫ് സെക്രട്ടറി ശാരദ മുരളീധരനാണ് ചടങ്ങില്‍ പങ്കെടുത്തത്.
