തിരുവനന്തപുരം: ശ്രീനഗറില്‍ സൈനിക പരിശീലനത്തിനിടെ ഹൃദയാഘാതത്തെ തുടര്‍ന്ന് ജവാന് ദാരുണാന്ത്യം. നെയ്യാറ്റിൻകര പെരുങ്കടവിള ഇന്ദ്രജിത്ത്ഭവനില്‍ ഇന്ദ്രജിത്ത് (30) ആണ് മരിച്ചത്.ശ്രീനഗറിലെ പട്ടല്‍ സൈനിക യൂണിറ്റില്‍ വച്ച്‌ പരിശീലന ക്ലാസ്സില്‍ പങ്കെടുക്കുന്നതിനിടെയാണ് ഹൃദയാഘാതമുണ്ടായത്. ഉടനെ ആശുപത്രിയില്‍ എത്തിച്ചെങ്കിലും മരിച്ചു എന്നാണ് ബന്ധുക്കളെ ഉദ്യോഗസ്ഥര്‍ അറിയിച്ചത്.മൃതദേഹം പോസ്റ്റ്മോര്‍ട്ടത്തിനുശേഷം ശ്രീനഗറില്‍ നിന്നും സൈനിക ഉദ്യോഗസ്ഥര്‍ ഉള്‍പ്പെടെ വിമാനത്തില്‍ തിരുവനന്തപുരം എയര്‍പോര്‍ട്ടില്‍ എത്തിക്കും
