എകെജി സെന്റര് ആക്രമണ കേസില് യൂത്ത് കോണ്ഗ്രസ് നേതാവ് അറസ്റ്റില്. തിരുവനന്തപുരം മുന് ജില്ലാ സെക്രട്ടറി സുഹൈല് ഷാജഹാനാണ് അറസ്റ്റിലായത്.ഡല്ഹി വിമാനത്താവളത്തില് നിന്നാണ് ഇയാളെ കസ്റ്റഡിയില് എടുത്തത്.അന്വേഷണ സംഘം ഡല്ഹിയിലെത്തി ഇന്നുതന്നെ സുഹൈലിനെ തിരുവനന്തപുരത്ത് എത്തിക്കും.
രണ്ട് വര്ഷമായി ഒളിവില് കഴിഞ്ഞതിന് ശേഷമാണ് പ്രതി പിടിയിലാകുന്നത്. പിടികൂടാന് സാധിക്കാത്തതിനെത്തുടര്ന്ന് പൊലീസ് ലുക്ക്ഔട്ട് നോട്ടീസ് നല്കിയിരുന്നു.എകെജി സെന്റര് ആക്രമണത്തിന്റെ മുഖ്യസൂത്രധാരന് സുഹൈലാണെന്നാണ് ക്രൈംബ്രാഞ്ച് റിപ്പോര്ട്ട്.തിരികെയെത്തിയപ്പോഴാണ് പിടിയിലായത്. ഇയാള്ക്കെതിരെ ബ്ലൂ കോര്ണര് നോട്ടീസ് പുറപ്പെടുവിച്ചിരുന്നു.തിരുവനന്തപുരം ക്രൈംബ്രാഞ്ച് സംഘം ഇന്ന് വൈകുന്നേരത്തോടെ സുഹൈലിനെ തിരുവനന്തപുരത്തെത്തിക്കും. പടക്കം എറിയാന് നിര്ദേശം നല്കിയത് നിര്ദേശം നല്കിയത് സുഹൈല് ആണെന്നാണ് ക്രൈം ബ്രാഞ്ചിന്റെ കണ്ടെത്തല്.