മലപ്പുറം: മലപ്പുറത്ത് ഒന്നരക്കോടി രൂപയുടെ പുകയില വേട്ട. സംസ്ഥാനത്തെ ഏറ്റവും വലിയ നിരോധിത പുകയില വേട്ടയാണിത്. ബിസ്‌ക്കറ്റ് പാക്കറ്റിനുള്ളില്‍ ഒളിപ്പിച്ച് കടത്താനെത്തിച്ച ഒന്നര കോടി രൂപയുടെ പുകയില ഉല്‍പ്പന്നങ്ങളാണ് മലപ്പുറത്ത് നിന്നും യുമായി എക്സൈസ് സംഘം പിടിച്ചെടുത്തത്. എടപ്പാള്‍ വട്ടംകുളത്തെ ഗോഡൗണില്‍ ഇറക്കാന്‍ ശ്രമിക്കുന്നതിനിടെയാണ് ലഹരിവസ്തുക്കള്‍ പിടിച്ചെടുത്തത്. രണ്ടു ട്രക്കുകളിലായി കടത്തിയ പുകയിലയാണ് പിടിച്ചെടുത്തത്. വാഹനങ്ങളും എക്സൈസ് സംഘം കസ്റ്റഡിയിലെടുത്തു. എക്സൈസ് ഉത്തരമേഖല കമ്മീഷ്ണര്‍ സ്‌ക്വാഡിന്റെ നേതൃത്വത്തിലാണ് പരിശോധന നടത്തിയത്.
