കോഴിക്കോട്: ഗവര്‍ണര്‍ക്കെതിരേ പടുകൂറ്റന്‍ പ്രതിഷേധ റാലിയുമായി എസ്‌എഫ്ഐ.”ഗവര്‍ണര്‍ ഗോ ബാക്ക്’ എന്ന മുദ്രവാക്യവുമായി ഗവര്‍ണര്‍ താമസിക്കുന്ന ഗസ്റ്റ് ഹൗസിന് 50 മീറ്റര്‍ വരെ പ്രതിഷേധക്കാര്‍ എത്തി.
കാലിക്കറ്റ് സര്‍വകലാശാല പരീക്ഷാ കേന്ദ്രത്തിന് മുന്നിലേക്കാണ് കറുത്ത വസ്ത്രമണിഞ്ഞ് കറുത്ത ബലൂണുകള്‍ കെെയിലേന്തി പ്രതിഷേധക്കാര്‍ എത്തിയത്.
ഗവര്‍ണര്‍ ഗസ്റ്റ് ഹൗസില്‍നിന്ന് ഇറങ്ങുന്നതിന് മുന്‍പാണ്‌ വലിയ രീതിയിലുള്ള പ്രതിഷേധമുണ്ടായത്. പോലീസ് സമരക്കാരെ തടഞ്ഞു. ബാരിക്കേഡ് മറികടന്ന് പ്രതിഷേധിച്ചവരെ പോലീസ് കസ്റ്റഡിയിലെടുത്തു. എന്നാല്‍ കൂടുതല്‍ പ്രതിഷേധക്കാര്‍ രംഗത്തെത്തിയതോടെ സംഘര്‍ഷം തുടരുകയാണ്.
