കോഴിക്കോട്: മുത്തപ്പൻപുഴയില്‍ പുള്ളിപ്പുലിയെ ചത്തനിലയില്‍ കണ്ടെത്തി. ആനക്കാംപൊയില്‍ മറിപ്പുഴ റോഡില്‍ മൈനവളവിലാണ് നാലുവയസുള്ള പുലിയുടെ ജഡം കണ്ടെത്തിയത്.
പുലര്‍ച്ചെ ഇതുവഴിപോയ യാത്രക്കാരാണ് പുള്ളിപ്പുലിയുടെ ജഡം കണ്ടത്. ഇവര്‍ വിവരമറിയിച്ചതിനെത്തുടര്‍ന്ന് വനംവകുപ്പ് സ്ഥലത്തെത്തി പരിശോധന നടത്തി.
പുലിയുടെ ജഡത്തില്‍ മുള്ളൻപന്നിയുടെ മുള്ളുകള്‍ തറച്ചനിലയിലാണ്. ഇതിനാല്‍, മുള്ളൻപന്നിയുടെ ആക്രമണത്തിലാണ് പുലി ചത്തതെന്നാണ് പ്രാഥമിക നിഗമനം.
