കാസർഗോഡ്: ബോർവെല്‍ ലോറിയും പിക്കപ്പും കൂട്ടിയിടിച്ചുണ്ടായ അപകടത്തില്‍ ഒരാള്‍ മരിച്ചു. മൂന്നു പേർക്ക് പരിക്കേറ്റു.
കാസർകോട് കളക്കരയില്‍ ഇന്നു രാവിലെയാണ് അപകടമുണ്ടായത്. പിക്കപ്പ് ഡ്രൈവർ കൊട്ടോടി കള്ളാർ സ്വദേശി ജിജോ ജോസഫ് (29) ആണ് മരിച്ചത്.
ഇടിയുടെ ആഘാതത്തില്‍ പത്തടി താഴ്ചയിലേക്ക് വീണ പിക്കപ്പിന് മുകളിലേക്ക് ബോർവെല്‍ ലോറി വീഴുകയായിരുന്നു. ഉടൻതന്നെ നാട്ടുകാരും പൊലീസും സ്ഥലത്തെത്തി രക്ഷാപ്രവർത്തനം നടത്തി.
ജിജോ ജോസഫിന്‍റെ മൃതദേഹം പോസ്റ്റ്മോർട്ടത്തിന് ശേഷം വീട്ടുകാർക്ക് വിട്ടുനല്‍കും.
