കണ്ണൂര്‍: അടയ്ക്കാത്തോട്ട് ജനവാസമേഖലയില്‍ ഇറങ്ങിയ കടുവയുടെ ദൃശ്യങ്ങള്‍ പുറത്ത്. പട്ടാപ്പകല്‍ കടുവ വീട്ടുമുറ്റത്ത് കൂടി നടക്കുന്ന ദൃശ്യങ്ങളാണ് പുറത്തുവന്നത്.
ജോബിറ്റ് ജോര്‍ജ് എന്നയാളുടെ വീട്ടുമുറ്റത്താണ് കടുവ എത്തിയത്. കടുവയെ പിടികൂടാന്‍ മേഖലയില്‍ ഒരു കൂട് കൂടി സ്ഥാപിക്കുമെന്ന് വനംവകുപ്പ് അറിയിച്ചു.
ശനിയാഴ്ചയും പ്രദേശത്ത് ഒരു കൂട് സ്ഥാപിച്ചിരുന്നു. പ്രദേശത്ത് ഒരാഴ്ചയ്ക്കിടെ പല തവണയാണ് കടുവയെ കണ്ടത്. ഇന്ന് വൈകിട്ട് നാല് വരെ പ്രദേശത്ത് നിരോധനാജ്ഞ പ്രഖ്യാപിച്ചിട്ടുണ്ട്.
