കണ്ടെയ്നര് ലോറി റോഡ് മാറി ഓടി. കാബിൻ അടിപ്പാത കുടുങ്ങിയതിനാൽ വൻ അപകടം ഒഴിവായി. മംഗളൂരുവിൽ നിന്ന് കണ്ണൂരിലേക്ക് കാറുകളുമായി പോവുകയായിരുന്ന ട്രക്കാണ് അപകടത്തിൽപ്പെട്ടത്. വ്യാഴാഴ്ച രാത്രി ദേശീയ പാതയില് കരിവെള്ളൂര് ബസാറില്ലായിരുന്നു അപകടം.
കരിവെള്ളൂര് ടൗണില് നിന്ന് സര്വീസ് റോഡിലൂടെ നേരെ പോകേണ്ടതിനു പകരമാണ് കണ്ടെയ്നര് പുതിയ റോഡിലേക്ക് കയറിയത്. നിർമാണം നടന്നുവരികയാണ്. ഒരു ഭാഗം മണ്ണിട്ട് ഉയർത്താത്ത നിലയിലായിരുന്നു അടിപ്പാത. നിർമാണത്തിൻ്റെ ഭാഗമായി ഭൂമിയിൽ നിന്ന് 10 മീറ്റർ ഉയരത്തിലാണ് റോഡ് കടന്നുപോകുന്നത്. പത്ത് മീറ്ററോളം താഴ്ചയിലേക്ക് വീഴുന്നതിന് തൊട്ടുമുമ്പാണ് കാബിന് കുടുങ്ങിയത്. അപകടം നടന്നയുടൻ ഡ്രൈവര് വണ്ടിയില് നിന്നിറങ്ങുകയായിരുന്നു.