ഇടുക്കി: തേക്കടിയിലെ കടയില്‍ നിന്ന് രണ്ട് ആഡംബര ഫോണ്‍ മോഷ്ടിച്ച കേസില്‍ സ്വകാര്യ ബാങ്ക് മാനേജര്‍ അറസ്റ്റില്‍. തമിഴ്നാട് തിരുച്ചിറപ്പള്ളി സ്വദേശി ദീപക് മനോഹറാണ് പൊലീസ് പിടിയിലായത്. കേരള പൊലീസ് തമിഴ്‌നാട്ടില്‍ എത്തിയാണ് ദീപകിനെ പിടികൂടിയത്.
ഫോണ്‍ വാങ്ങാനെന്ന വ്യാജേന സംഘം കുമളിയിലെ കടയില്‍ എത്തി. പിന്നാലെ ആഡംബര ഫോണ്‍ മോഷ്ടിച്ച് തമിഴ്‌നാട്ടിലേക്ക് കടന്ന് കളയുകയായിരുന്നു. സിസിടിവി ദൃശ്യങ്ങള്‍ പരിശോധിച്ച പൊലീസ് തിരുച്ചിറപ്പള്ളിയിലെ വീട്ടില്‍ എത്തിയാണ് ദീപകിനെ അറസ്റ്റ് ചെയ്തത്.
