കൊച്ചി :എറണാകുളം ജില്ലാ പഞ്ചായത്ത് ഭരണസമിതിയുടെ മൂന്നാം വാര്‍ഷികാഘോഷവും വിവിധ പദ്ധതികളുടെ ഉദ്ഘാടനവും ഇന്ന്‌ 10 മുതല്‍ എറണാകുളം ജില്ലാ പഞ്ചായത്ത് പ്രിയദര്‍ശിനി ഹാളില്‍ നടക്കും. ജനകീയാസൂത്രണ രജത ജൂബിലി സ്മാരക ഉദ്ഘാടനം രാവിലെ 10ന് വ്യവസായ- നിയമ- കയര്‍ വകുപ്പ് മന്ത്രി പി.രാജീവ് നിര്‍വഹിക്കും.
ഉമ്മന്‍ചാണ്ടി സ്മാരക ഹാള്‍ സമര്‍പ്പണം രാവിലെ 10.30ന് നിയമസഭാ പ്രതിപക്ഷ നേതാവ് വി.ഡി സതീശന്‍ നിര്‍വഹിക്കും. ലീഡേഴ്‌സ് ചേംബര്‍ ഉദ്ഘാടനം രാവിലെ 11ന് ഹൈബി ഈഡന്‍ എംപി നിര്‍വഹിക്കും. 11.30 മുതല്‍ മൂന്നാം വാര്‍ഷികാഘോഷ സമ്മേളനം നടക്കും. സമ്മേളനത്തില്‍ സ്ഥാനമൊഴിയുന്ന ജില്ലാ പഞ്ചായത്ത് പ്രസിഡന്റ് ഉല്ലാസ് തോമസിന് ഭരണസമിതി അംഗങ്ങള്‍ ആദരവ് നല്‍കും.
