കുമ്പളങ്ങി ഗ്രാമപഞ്ചായത്ത് പതിനാറാം വാര്‍ഡിലെ കടവിപറമ്പില്‍ റോഡും പതിനാലാം വാര്‍ഡിലെ ജവാന്‍ റോഡും കെ. ജെ മാക്‌സി എം. എല്‍. എ ഉദ്ഘാടനം ചെയ്തു. എംഎല്‍എ നിയോജക മണ്ഡല ആസ്തിവികസന ഫണ്ടില്‍ നിന്നും മുപ്പത് ലക്ഷം രൂപ ചെലവഴിച്ചാണ് റോഡ് നിര്‍മിച്ചത്.
പഞ്ചായത്ത് പ്രസിഡന്റ് ലീജ തോമസ് ബാബു അധ്യക്ഷത വഹിച്ച ചടങ്ങില്‍ എസ്എസ്എല്‍സി, പ്ലസ് ടു പരീക്ഷകളില്‍ മുഴുവന്‍ വിഷയങ്ങള്‍ക്കും എ പ്ലസ് നേടിയ വിദ്യാര്‍ത്ഥികളെ അനുമോദിച്ചു. പ്രദേശവാസിയും മുന്‍ മിലിട്ടറി ഉദ്യോഗസ്ഥനായ ഈശി കണ്ടത്തിപ്പറമ്പില്‍ കെ.ജെ മാക്‌സി എംഎല്‍എയെ പൊന്നാട അണിയിച്ച് സ്‌നേഹാദരം നല്‍കി.
പള്ളുരുത്തി ബ്ലോക്ക് പഞ്ചായത്ത് വൈസ് പ്രസിഡന്റ് ജോബി പനക്കല്‍, പഞ്ചായത്ത് ആരോഗ്യ വിദ്യാഭ്യാസ സ്റ്റാന്‍ഡിംഗ് കമ്മിറ്റി ചെയര്‍പേഴ്‌സണ്‍ ജെന്‍സി ആന്റണി, മെമ്പര്‍മാരായ അഡ്വ. മേരി ഹര്‍ഷ, താര രാജു എന്നിവര്‍ ചടങ്ങില്‍ പങ്കെടുത്തു.
