മൂവാറ്റുപുഴ: പൊതു കാര്യ പ്രസക്തമായ എല്ലാ നല്ല കാര്യങ്ങൾക്കു മുന്നിലും ഡോ.മാത്യു കുഴൽനാടൻ ഉണ്ടെന്ന് മുൻ മുഖ്യമന്ത്രി ഉമ്മൻ ചാണ്ടി . മൂവാറ്റുപുഴയിലെ യുഡിഎഫ് തെരഞ്ഞെടുപ്പു കമ്മിറ്റി ഓഫീസ് ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം . സാമൂഹ്യ പ്രതിബദ്ധതയോടു കൂടി പ്രവർത്തിച്ചു കൊണ്ടിരിക്കുന്ന പൊതുപ്രവർത്തകനാണ് അദ്ദേഹമെന്നും ഉമ്മൻ ചാണ്ടി പറഞ്ഞു. കുഴൽ നാടൻ്റെ വിജയം കോൺഗ്രസിനും ഐക്യജനാധിപത്യ മുന്നണിക്കും സർവോപരി ഈ നാടിനും വലിയ മുതൽകൂട്ടായിരിക്കുമെന്ന് അദ്ദേഹം കൂട്ടിച്ചേർത്തു.
തെരഞ്ഞെടുപ്പ് കമ്മിറ്റി ഓഫീസ് ഉദ്ഘാടനം ചെയ്യുവാൻ ഉമ്മൻ ചാണ്ടി സാറിനെ ലഭിച്ചത് ദൈവാനുഗ്രഹമാണെന്നും അദ്ദേഹത്തിൻ്റെ സാന്നിദ്ധ്യം മുഴുവൻ പ്രവർത്തകർക്കും ഊർജമാക്കുന്നും നന്ദി പ്രകാശിപ്പിച്ചു കൊണ്ട് യുഡിഎഫ് സ്ഥാനാർഥി മാത്യു കുഴൽ നാടൻ പറഞ്ഞു. ഉമ്മൻ ചാണ്ടിയുടെ ഇവിടെയെത്തിയത് ദൈവനിയോഗമായി കണക്കാക്കുന്നുവെന്നും അത് ഈ ചടങ്ങിൻ്റെ ഐശ്വര്യം വർധിപ്പിക്കുന്നുവെന്നും മാത്യു പറഞ്ഞു.
ഡീൻ കുര്യാക്കോസ് എം പി, കെപിസിസി ഭാരവാഹികളായ ജയ്സൺ ജോസ്ഥ്, കെ എം സലീം,
ജില്ല പഞ്ചായത്ത് പ്രസിഡന്റ് ഉല്ലാസ് തോമസ്, നഗര സഭ ചെയർമാൻ പി പി എൽദോസ് , മുസ്ലീം ലീഗ് ജില്ല പ്രസിഡന്റ് കെ എം അബ്ദുൽ മജീദ്, വൈസ് പ്രസിഡന്റ് പി എം അമീർ അലി, കേരള കോൺഗ്രസ് സംസ്ഥാന സെക്രട്ടറി ജോസ് വള്ളമറ്റം, യുഡിഎഫ് ജില്ല സെക്രട്ടറി വിൻസന്റ് ജോസഫ്, യുഡിഎഫ് നേതാക്കളായ എ മുഹമ്മദ് ബഷീർ, ജോയി മാളിയേക്കൽ, കെ എം പരീത്, അഡ്വ. വർഗ്ഗീസ് മാത്യു, പി എ സലീം ഹാജി, ജോസ് പെരുമ്പള്ളി കുന്നേൽ, സുഭാഷ് കടക്കോട്ട്,
പി എ ബഷീർ, സീതി മുളാട്ട്, ടോമി പാലമല, ടോം കുര്യച്ചൻ, എം എസ് സുരേന്ദ്രൻ , ബേബി ജോൺ, അഡ്വ. എൻ രമേശ്, യൂത്ത് കോൺഗ്രസ് സംസ്ഥാന സെക്രട്ടറി മുഹമ്മദ് റഫീക്ക്, അസംബ്ലി മണ്ഡലം പ്രസിഡന്റ് ഷമീർ കോണിക്കൽ, എൽദോ ബാബു വട്ടക്കാവിൽ , ഗ്രാമ പഞ്ചായത്ത് പ്രസിഡന്റുമാരായ മാത്യൂസ് വർക്കി, ജോളി മോൻ ചൂണ്ടയിൽ, നഗരസഭ വൈസ് ചെയർമാൻ സിനി പൂനാട്ട്, കൗൺസിലർമാരായ ജിനു മാടേക്കൽ, അമൽ ബാബു, പി എം അബ്ദുൽ സലാം, ജോളി എം.മണ്ണൂർ,ജോയ്സ് മേരി ആന്റണി, പ്രമീള ഗിരീഷ് കുമാർ , കെ.കെ സുബൈർ എന്നിവർ സംസാരിച്ചു.
