എറണാകുളം: പറവൂര്‍ വടക്കേക്കര സര്‍വീസ് സഹകരണ ബാങ്ക് 3131 ന്റെ നേതൃത്വത്തില്‍ ചിറ്റാറ്റുകര, വടക്കേക്കര ഗ്രാമ പഞ്ചായത്തുകളിലെ ആരോഗ്യ മേഖലയില്‍ പ്രവര്‍ത്തിക്കുന്ന ആശാ പ്രവര്‍ത്തകരെയും പാലിയേറ്റിവ് പ്രവര്‍ത്തകരെയും ആംബുലന്‍സ് ജീവനക്കാരെയും അവശ്യ സേവന സാമഗ്രികള്‍ നല്‍കി ആദരിച്ചു. മുഖാവരണങ്ങള്‍, ഗ്ലൗസുകള്‍, സാനിറ്റൈസര്‍ എന്നിവയടങ്ങിയ കിറ്റും പലവ്യഞ്ജന കിറ്റും നല്‍കിയാണ് ബാങ്ക് ആദരം നല്‍കിയത്. എറണാകുളം ജില്ലാ സഹകരണ ബാങ്ക് മുന്‍ ഡയറക്ടര്‍ ബോര്‍ഡ് അംഗം ടി.ആര്‍. ബോസ് വിതരണ ഉദ്ഘാടനം നടത്തി. പ്രസിഡന്റ് എ.ബി മനോജ്, ബാങ്ക് സെക്രട്ടറി കെ.എസ് ജെയ്സി, ഭരണ സമിതി അംഗങ്ങള്‍ തുടങ്ങിയവര്‍ പരിപാടിയില്‍ സംബന്ധിച്ചു.
