കല്ലൂർക്കാട് സ്വദേശിനിയായ DR. ആഗി മേരി അഗസ്റ്റിനാണ് എൽദോക്ക് മണവാട്ടിയായിയെത്തുന്നത്
മൂവാറ്റുപുഴ: സാമാജികർക്കിടയിൽ നിന്ന് ബാച്ചിലർ പദവിയൊഴിഞ്ഞ് മൂവാറ്റുപുഴ എം എൽ എ എൽദോ എബ്രഹാം എത്തുന്നു. കല്ലൂർക്കാട് സ്വദേശിനിയായ DR. ആഗി മേരി അഗസ്റ്റിനാണ് എൽദോക്ക് മണവാട്ടിയായിയെത്തുന്നത്. 2020 ജനുവരി മാസം12 നാണ് വിവാഹം. കല്ലൂർക്കാട് ടൗണിൽ സ്വന്തമായി ആയുർവ്വേദ ആശുപത്രി നടത്തുകയാണ് ഡോ. ആഗി മേരി അഗസ്റ്റിൻ.
നിയോജക മണ്ഡലത്തിലെ മുഴുവൻ ആളുകളിലും കല്യാണം വിളി എത്തുന്ന രീതിയിലാണ് ക്രമീകരണമെന്ന് എൽദോ പറഞ്ഞു. മൂവാറ്റുപുഴ സ്റ്റേഡിയത്തിൽ പന്തലിട്ടാണ് വിവാഹം. ഇക്കഴിഞ്ഞ മൂന്നിനായിരുന്നു കല്യാണ നിശ്ചയം. പായിപ്ര ഗ്രാമപഞ്ചായത്ത് അംഗം ആയിരുന്ന എൽദോ 2016 ലാണ് നിയമസഭാ സാമാജികനായത്.
