കൊച്ചി: മണ്ണ് കടത്താന്‍ കൈക്കൂലി വാങ്ങിയ എറണാകുളം അയ്യമ്പുഴ സ്റ്റേഷനിലെ ഗ്രേഡ് എസ്ഐ ബൈജു കുട്ടനെ സസ്പെന്‍ഡ് ചെയ്തു. എസ്ഐക്കൊപ്പം ഉണ്ടായിരുന്ന റഫീക്കിനെ കളമശ്ശേരി എയര്‍ ക്യാമ്പിലേക്ക് മാറ്റി ഇയാള്‍ക്കെതിരെ തുടര്‍ നടപടികള്‍ ഉണ്ടായേക്കും. എസ് ഐ ബൈജുക്കുട്ടന്‍ കൈക്കൂലി വാങ്ങുന്ന ദൃശ്യങ്ങള്‍ പ്രചരിച്ചതിന് പിന്നാലെയാണ് നടപടി.
ജീപ്പില്‍ ഇരുന്ന് എസ്ഐ കൈക്കൂലി വാങ്ങുന്ന ദൃശ്യങ്ങള്‍ ആണ് പ്രചരിച്ചിരുന്നത്.എസ് ഐയുടെ അതൃപ്തിക്ക് പിന്നാലെ കൂടുതല്‍ പണം നല്‍കുന്നതും ദൃശ്യങ്ങളില്‍ വ്യക്തമാണ്. കൈക്കൂലി വാങ്ങുന്ന സമയത്ത് ബൈജുക്കുട്ടനൊപ്പം വാഹനത്തില്‍ മറ്റു ഉദ്യോഗസ്ഥര്‍ക്കെതിരെയും നടപടി ഉണ്ടായേക്കും. അന്വേഷണം ആവശ്യപ്പെട്ട് എറണാകുളം റെയിഞ്ച് ഡിഐജി നാളെ ഉത്തരവിറക്കും എന്നാണ് സൂചന.
